ઝી મીડિયા/બ્યૂરો :ફિલ્મી દુનિયાના તમામ લોકોની નજર આજે ઓસ્કાર એવોર્ડના વિજેતાઓના નામ પર છે. ગત રાત્રે શરૂ થયેલા '92nd Academy Awards (Oscars 2020)'માં જેમ જેમ એક એક એવોર્ડીનું નામ જાહેર થાય છે, તેમ તેમ લોકોના ધબકારા વધી રહ્યાં છે. લાંબી રાહ જોવડાવ્યા બાદ આખરે બેસ્ટ એક્ટરના નામની જાહેરાત થઈ છે. આ વર્ષનો બેસ્ટ એક્ટરનો ખિતાબ બહુચર્ચિત ફિલ્મ ‘જોકર’ (Jokar) ના એક્ટર વોકીન ફોનિક્સ (Joaquin Phoenix) ને મળ્યો છે.
#Oscars Moment: Joaquin Phoenix wins Best Actor for his work in @jokermovie. pic.twitter.com/M8ryZGKGHV
— The Academy (@TheAcademy) February 10, 2020
બેસ્ટ સપોર્ટિંગ એક્ટ્રેસ લોરા ડર્ન અને બેસ્ટ સપોર્ટિંગ એક્ટરનો એવોર્ડ બ્રાડ પિટે જીત્યો છે. તો બીજા નામ પણ સામે આવી રહ્યાં છે. તો બેસ્ટ સ્ક્રીનપ્લેનો અવોર્ડ કોરિયન ફિલ્મમેકર બોન્ગ જૂન હોને તેમની બહુચર્ચિત ફિલ્મ ‘પેરાસાઈટ’ માટે મળ્યો છે. સાઉથ કોરિયન ફિલ્મ પેરાસાઈટ ‘બેસ્ટ ઈન્ટરનેશનલ ફીચર ફિલ્મ’નો ઓસ્કર જીતી ચૂકી છે અને ‘બેસ્ટ ફિલ્મ’નો ઓસ્કર જીતવા માટે પ્રબળ દાવેદાર ગણાઈ રહી છે. ‘બેસ્ટ ફોરેન લેંગ્વેજ ફિલ્મ’ કેટેગરીનું નામ બદલીને આ વર્ષે ‘બેસ્ટ ઈન્ટરનેશનલ ફીચર ફિલ્મ’ કરવામાં આવ્યું છે. બેસ્ટ ડોક્યુમેન્ટરી, શોર્ટ સબ્જેક્ટ્સનો ખિતાબ પાયા લર્નિંગ ટુ સ્કેટબોર્ડ ઈન એ વોરઝોન (ઈમ યુ આર અ ગર્લ)ને મળ્યો છે. જ્યારે કે, ડોક્યુમેન્ટરી સેન્ટ લૂઈસ સુપરમેનને પણ ઓસ્કારમાં નામાંકન મળ્યું હતું. આ ફિલ્મનું નિર્દેશન ઈન્ડિયન અમેરિકન ફિલ્મમેકર સ્મૃત મુદ્રા અને સમી ખાને કર્યું છે.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે