અમેરિકામાં ફ્લોરેન્સ તોફાન: ભારે વરસાદથી નદીઓમાં પાણીનું સ્તર વધ્યું, કેરોલીનામાં પૂરનું સંકટ

ભારે વરસાદને કારણે નદીઓના પાણી કેરોલીનામાં ફરી વળ્યા (ફોટો- Reuters)

‘ફ્લોરેન્સ’ તોફાન અત્યારે પશ્ચિમ દિશા તરફ આગળ વધી રહ્યું છે. તોફાનના કારણે શુક્રવારથી અહીંયા 75 સેન્ટીમીટર વરસાદ નોંધાયો છે અને ભયાનક પૂરનું સંકટ સતત વધતું જઇ રહ્યું છે. રાજ્યની નદીઓમાં ભારે વરસાદના કારણે પાણીનું સ્તર વધવાથી સાવચેતીના પગલાં લઇ હજારો લોકોને સલામત સ્થળોએ લઈ જવાનો આદેશ આપવામાં આવ્યો છે.

રાષ્ટ્રપતિ ડોનાલ્ડ ટ્રંપે કહ્યું હતું કે, ફેડરલ ઇમરજન્સી સર્વિસ વર્કર્સ, સ્પોટ પર મદદ પહોંચાડનારા અને કાયદા અમલીકરણ અધિકારીઓ ખરેખર સખત મહેનત કરી રહ્યાં છે.