Sarkari Naukri: 10 પાસ યુવાનો માટે સરકારી નોકરીની મોટી તક

રક્ષા મંત્રાલયે  ટ્રેડ્સમેન મેટ અને ફાયરમેનની ખાલી જગ્યાઓ માટે ભરતી બહાર પાડી છે. જેમાં રસ અને લાયકાત ધરાવતા ઉમેદવારો અરજી કરી શકશે.  ઉમેદવારો સત્તાવાર વેબસાઇટ https://aocrecruitment.gov.in/ પરથી અરજી કરી શકશે. ઉમેદવારોને તારીખ 26  ફેબ્રુઆરી સુધી અરજી કરવાની રહેશે. ઉમેદવારોને વિનંતી કરવામાં આવે છે. કે તેઓ અરજી કરતા પહેલા સૂચનાને ધ્યાનપૂર્વક વાંચે.
 
કુલ જગ્યા અને લાયકાત
રક્ષા મંત્રાલયમાં ટ્રેડમેનની કુલ 1,249 જગ્યાઓ ખાલી છે. જ્યારે ફાયરમેનની જગ્યાઓ માટે 544 જગ્યાઓ ખાલી છે. આમ કુલ 1,793 જગ્યાઓ પર ભરતી કરવામાં આવશે.  માન્ય બોર્ડમાંથી 10 પાસ ઉમેદવારો આ પદ માટે કરી શકશે અરજી.  ટ્રેડસમેન પોસ્ટ માટે સંબંધિત વેપારમાં ITI ડિપ્લોમા ફરજિયાત છે. 
 
વય મર્યાદા અને ઉમેદવારી પસંદગી પ્રક્રિયા
ઉમેદવારની આ પદ માટે લઘુત્તમ ઉંમર 18 વર્ષ અને મહત્તમ 25 વર્ષ હોવી જોઈએ. તો જ્યારે  ઉમેદવારોની પસંદગી લેખિત કસોટી અને શારીરિક કસોટી દ્વારા કરવામાં આવશે. અને તે જ સમયે સાતમા પગાર પંચ અનુસાર ચુકવણી કરવામાં આવશે. આ પદ માટે  ટ્રેડ્સમેન મેટ લેવલ 1 હેઠળ ઉમેદવારને રૂપિયા 18 હજારથી 56 હજાર સુધી તો જ્યારે  લેવલ 2 હેઠળ રૂપિયા 19,900થી 63,200 સુધી પગાર મળશે.