બિહારઃ મુઝફ્ફરપુરની હોટલમાં મળ્યા 6 EVM, મેજિસ્ટ્રેટને કારણ બતાઓ નોટિસ

આવી બેજવાબદારી દાખવવા બદલ EVMના કસ્ટોડિયન સેક્ટર મેજિસ્ટ્રેટ અવધેશ કુમારને ચૂંટણી પંચ દ્વારા કારણ બતાઓ નોટિસ ફટકારવામાં આવી છે અને તેમની પાસે આ ઈવીએમ હોટલમાં કેવી રીતે પહોંચ્યા તેનું સ્પષ્ટીકરણ મગાયું છે.

મુઝફ્ફરપુરના જિલ્લા કલેક્ટર આલોક રંજન ઘોષે આ ઘટનાની પુષ્ટિ કરતા જણાવ્યું છે કે, સેક્ટર મેજિસ્ટ્રેટના ડ્રાઈવરે મતદાન કરવાની ઈચ્છા વ્યક્ત કરીહતી. આથી ડ્રાઈવરની ઈચ્છા પૂરી કરવા માટે સેક્ટર મેજિસ્ટ્રેટે EVM અને VVPAT મશીન એક ખાનગી હોટલમાં ઉતારી લીધા હતા. 

ડિસ્ટ્રિક મેજિસ્ટ્રેટે જણાવ્યું કે, સેક્ટર મેજિસ્ટ્રેટને કારણ પુછવામાં આવ્યું છે. અત્યાર સુધી જે માહિતી મળી છે તે વ્યવહાર ચૂંટણી પ્રણાલીના નિયમો વિરુદ્ધ છે. ચૂંટણી પંચ તેમની સામે વિભાગીય કાર્યવાહી કરશે. 

લોકસભા ચૂંટણી 2019ના વધુ સમાચાર જાણવા અહીં કરો ક્લિક...