Exit Poll: મુંબઈ સટ્ટા બજારનું અનુમાન, NDAને 350 સીટ, ભાજપને સ્પષ્ટ બહુમત

નવી દિલ્હીઃ લોકસભા ચૂંટણીના તમામ તબક્કાનું મતદાન પૂર્ણ થઈ ગયું છે. હવે આગામી 23 મેએ ચૂંટણીના પરિણામ જાહેર થશે. આજે સાતમાં તબકક્કાનું મતદાન પૂર્ણ થતાં તમામ ટીવી ચેનલો પર એક્ઝિટ પોલના આંકડા શરૂ થઈ ગયા છે. મોટા ભાગે તમામ એક્ઝિટ પોલમાં ભારતીય જનતા પાર્ટી અને નરેન્દ્ર મોદીની સત્તામાં વાપસી થઈ રહી છે. ત્યારે મુંબઈ સટ્ટા બજારે પણ લોકસભા ચૂંટણી પર પોતાની સ્થિતિ સ્પષ્ટ કરી છે. મુંબઈ સટ્ટાબજાર પ્રમાણે ભારતીય જનતા પાર્ટીને સ્પષ્ટ બહુમત મળશે, ભાજપને 299 સીટ અને એનડીએને 51 સીટો મળવાનું અનુમાન રજૂ કરવામાં આવ્યું છે. મુંબઈ સટ્ટાબજારે આ સાથે તમામ રાજ્યોની લોકસભા ચૂંટણીના આંકડા પણ જાહેર કર્યાં છે. આ સાથે મુંબઈ સટ્ટાબજારનું અનુમાન છે કે રાહુલ ગાંધી અમેઠીથી ચૂંટણી હારી શકે છે.