ગુજરાતીઓ વિશે વિદેશમંત્રી જયશંકરે કહ્યું- દુનિયાના દરેક દેશમાં ગુજરાતી, કદાચ એટલા માટે તો....

ગુજરાતી સમુદાયની સમગ્ર દુનિયામાં હાજરી અંગે જયશંકરે  કહ્યું કે, દુનિયામાં એવો કોઈ દશ નથી જ્યાં કોઈ ગુજરાતી ન હોય, અને ક્યારેક ક્યારેક તો મને શંકા પણ થાય છે કે આ જ કારણ છે કે તેમણે વિદેશ મામલાઓના મંત્રીને તે રાજ્યથી સંસદમાં મોકલવાનો વિકલ્પ પસંદ કર્યો. વિદેશમંત્રી જયશંકરે ભારતના આર્થિક  જગતમાં ગુજરાતના મહત્વને સામે રજૂ ક રતા કહ્યું કે ગુજરાત સૌથી આગળ અને લીડર રહ્યું છે. આથી ગુજરાતમાં આર્થિક ઘટનાઓનું વિશેષ મહત્વ છે. આથી ત્યાં આવનારો કોઈ પણ વ્યક્તિ માત્ર ભારતના પ્રદર્શનને નહીં પરંતુ ભારતના ભવિષ્યની સંભાવનાઓને પણ જુએ છે. ગુજરાત સંલગ્ન પ્રમુખ આર્થિક પહેલોનો ઉલ્લેખ કરતા તેમણે કહ્યું કે ગુજરાતે ભારત-મધ્ય પૂર્વ-યુરોપ આર્થિક કોરિડોરના ભારતમાં અંતિમ બિંદુ તરીકે મહત્વપૂર્ણ ભૂમિકા ભજવી છે. જે હાલમાં જ જી-20 શિખર સંમેલન દરમિયાન એક મહત્વપૂર્ણ ફોકસ રહ્યું. 

જયશંકરે વધુમાં કહ્યું કે આ જૂનું છે. આંતરરાષ્ટ્રીય ઉત્તર-દક્ષિણ પરિવહન કોરિડોરને હવે વધુ પ્રોત્સાહન મળી રહ્યું છે. અહીં ણ ભારત માટે  ટેક-ઓફ બિંદુ ભારતનો પશ્ચિમી તટ છે. ખાસ કરીને ગુજરાતનો તટ છે. નોંધનીય છે કે ભારત-મધ્યપૂર્વ-યુરોપ આર્થિક કોરિડોર સમજૂતિ પર આ વખતે નવી દિલ્હીમાં યોજાયેલી જી-20 બેઠકમાં ભારત, અમેરિકા, સંયુક્ત આરબ અમીરાત, સાઉદી અરબ, ફ્રાન્સ, જર્મની, ઈટાલી અને યુરોપીય સંઘે હસ્તાક્ષર કર્યા. તેમાં બે અલગ અલગ કોરિડોર સામેલ હશે. ભારતને પશ્ચિમ એશિયા/મધ્ય પૂર્વ સાથે જોડનારા કોરિડોર અને પશ્ચિમ એશિયા મધ્ય પૂર્વને યુરોપ સાથે જોડનારો ઉત્તર કોરિડોર. 

વિદેશ મંત્રી જયશંકરે હાઈબ્રિડ ઉર્જા પાર્ક અને ફૂડ પાર્કની વાત કરતા 12U2 પહેલ ઉપર પણ પ્રકાશ ફેંક્યો. જેની યોજના ગુજરાતે બનાવી છે. તેમણે ભારતના ઉર્જા અને ખાદ્ય ઉત્પાદન લક્ષ્યોમાં રાજ્યની મહત્વપૂર્ણ ભૂમિકા પર ભાર મૂકતા  કહ્યું કે અમે ગુજરાતમાં તેના વિશે વિકાસની શોધ કરી રહ્યા છીએ. વાઈબ્રન્ટ ગુજરાત ગ્લોબલ સમિટ (VGGS) નવા ભારતના દ્રષ્ટિકોણને આકાર આપવામાં Potential investment destination થી Potential investment destination બનવાની ગુજરાતની યાત્રામાં એક મહત્વપૂર્ણ માઈલસ્ટોન છે. 

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube