નવી દિલ્હીઃ Siddhu Moose wala Murder Case: પંજાબી યુવા સિંગર સિદ્ધુ મૂસેવાલા હત્યાકાંડમાં દિલ્હી પોલીસ સ્પેશિયલ સેલે 3 આરોપીઓની ધરપકડ કરી છે. સિંગરના હત્યાકાંડમાં સામેલ બે શૂટર અને ટ્રાન્સપોર્ટ ઉપલબ્ધ કરાવનાર 1 વ્યક્તિની ધરપકડ કરવામાં આવી છે.
આ ત્રણની કરવામાં આવી ધરપકડ
કહેવામાં આવી રહ્યું છે કે મુખ્ય શૂટર પ્રિયવ્રત ફૌજી અને બીજો શૂટર કશિશની ધરપકડ કરવામાં આવી છે. આ સિવાય બોલેરો ગાડી ઉપલબ્ધ કરાવનાર વ્યક્તિ કેશવની પણ ધરપકડ કરવામાં આવી છે.
જપ્ત થયો આ સામાન
દિલ્હી પોલીસની સ્પેશિયલ સેલે કહ્યું કે સિદ્ધુ મૂસેવાલા હત્યાકાંડમાં સામેલ બે મુખ્ય શૂટરો સહિત તેના મોડ્યૂલ હેડની પણ ધરપકડ કરવામાં આવી છે. તેની પાસેથી મોટી માત્રામાં હથિયાર અને વિસ્ફોટક સામાન જપ્ત થયો છે.
Sidhu Moose Wala murder case | Six shooters were identified. Two modules of shooters who were in touch with Goldy Brar were involved in this incident. Manpreet Manu fired at Sidhu Moose Wala. All 6 shooters fired multiple rounds of bullets: Delhi Police Special Cell pic.twitter.com/hA7oVZVtpU
— ANI (@ANI) June 20, 2022
પંજાબ પોલીસની કસ્ટડીમાં મુખ્ય આરોપી
તમને જણાવી દઈએ કે આ હત્યાકાંડનો મુખ્ય આરોપી ગેંગસ્ટર લોરેન્સ બિશ્નોઈ હાલ પંજાબ પોલીસની કસ્ટડીમાં છે. પંજાબ પોલીસે દિલ્હીથી તેને ટ્રાન્ઝિટ રિમાન્ડ પર લીધો છે. તેને 14 જૂને પંજાબ લાવવામાં આવ્યો હતો. પોલીસ તેની પૂછપરછ કરી રહી છે.
આ પણ વાંચોઃ Maharashtra: સાંગલીમાં ડોક્ટર પરિવારના 9 લોકોએ ઝેર ખાઈ કર્યો આપઘાત, ઘરમાં મળ્યા મૃતદેહ
29 મેએ થઈ હતી સિંગરની હત્યા
નોંધનીય છે કે પંજાબના જાણીતા યુવા સિંગર સિદ્ધુ મૂસેવાલાની હત્યા 29 મેએ પંજાબના માનસા જિલ્લામાં થઈ હતી. અજાણ્યા લોકોએ તેની ગાડી પર ગોળીઓનો વરસાદ કરી સિંગરને મોતને ઘાટ ઉતારી દીધો હતો. બાદમાં સોશિયલ મીડિયા પર આ હત્યાની જવાબદારી લોરેન્સ બિશ્નોઈ ગેંગે લીધી હતી.
દેશના વધુ સમાચારો વાંચવા માટે કરો ક્લિક...
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે