લાડકોડથી સાસરી લાવેલી વહુએ તેવર બતાવ્યા , દિયર અને સસરાને ભોજનમાં ઝેર પીવડાવ્યું

પરાણે વહુને તેડાવી લાવ્યા હતા
પાટણના શંખેશ્વર પોલીસ મથકમાં ભોલાગીરી ઉર્ફે ભાવેશ ઈશ્વરગીરી ગોસ્વામીએ પોતાના જ સગાભાઈ અશોકગીરીની પત્ની જયાબેન અશોકગીરી ગૌસ્વામી વિરુદ્ધ પોલીસ ફરિયાદ નોંધાવી છે. જે મુજબ તેમના ભાઈ ભાભીના લગ્ન ઘણા વર્ષો અગાઉ થયા હતા. પરંતુ બંને વચ્ચે મનમેળ ના હોવાથી ભાભી જયાબેન છેલ્લા બારેક વર્ષથી રિસાઈને તેમના પિયર ગોતરકા ખાતે રહેતા હતા. જયાબેનને અશોકગીરી સાથે રહેવું ના હોવા છતાં તેઓના સગા સંબંધીઓ જયાબેનને તેડીને આવ્યા હતા અને સમાધાન કરાવ્યું હતું. જેથી જયાબેન હવે રહેવા માટે ધનોર પોતાની સાસરીમાં પરત આવી ગયા હતા. 

અમદાવાદમાં IPL મેચ જોવા આવેલા શાહરૂખ ખાનની તબિયત લથડી, હોસ્પિટલમાં એડમિટ

સાસરીમાં આવીને વહુએ ઝેર ઘોળ્યું
હજુ પરત સાસરીમાં આવે ચાર જ દિવસ થયા હતા. ત્યાં જયાબેને મંગળવારે ભોજન બનાવતા વખતે તેમાં ઝેર ભેળવી દઈને દિયર મહાદેવ ગીરી તથા સસરા ઈશ્વરગીરીને તે ભોજન જમાડી દીધી હતું. જેને કારણે બંનેની તબિયત લથડી હતી. પરિવારજનો એકત્રિત થઈને બંનેને સારવાર અર્થે લઈ ગયા હતા. પરંતુ તેમાં દિયર મહાદેવગીરીને તબીબે મૃત જાહેર કર્યા હતા જ્યારે ફરિયાદીના પિતા ઈશ્વરગીરીની તબિયત નાજુક હોવાથી હાલમાં તેઓ પાટણની એક ખાનગી હોસ્પિટલમાં સારવાર લઈ રહ્યા છે અને જીવન મરણ વચ્ચે ઝોલા ખાઈ રહ્યા છે. 

વાવાઝોડું નજીક આવ્યું કે ગુજરાતથી દૂર ગયું, આ રહ્યાં વાવાઝોડાના તમામ નવા અપડેટ

ફરિયાદને આધારે શંખેશ્વર પોલીસે જયાબેન અશોકગીરી ગૌસ્વામી (રહે. ધનોર, તાલુકા શંખેશ્વરજી પાટણ) વિરુદ્ધ આઇપીસીની કલમો 307 (હત્યાનો પ્રયાસ) અને 302 (હત્યા)નો ગુનો નોંધીને વધુ કાર્યવાહી હાથ ધરી છે. જેની તપાસ પી.આઈ પ્રભાતસિંહ જે. સોલંકી ચલાવી રહ્યાં છે. 

ગુજરાતની ડ્રોન કંપનીને ઈઝરાયેલથી મળ્યો મોટો ઓર્ડર, ઘાતક ડ્રોન બનાવીને સપ્લાય કરાશે