મહારાજા સાયાજીરાવ યુનિવર્સિટીના કોમર્સ ફેકલ્ટીના જીએસ તરીકે અપક્ષ ઉમેદવારનો વિજય

અત્યંત રસાકસી ભરેલી ચૂંટણીમાં એનએસયુઆઈના બંને ઉમેદવારની કારમી હાર થઈ હતી. તેમની સાથે-સાથે એબીવીપી અને જયહો-વીવીએસના બંને ઉમેદવારોનો પણ પરાજય થયો હતો. અપક્ષ ઉમેદવાર રાકેશ પંજાબીના વિજયની જાહેરાત સાથે જ તેના સમર્થકોએ ઉજવણીની શરૂઆત કરી હતી. 

આ પ્રથમ વખત છે જ્યારે કોઈ રાજકીય પક્ષના સમર્થક પક્ષના બદલે અપક્ષ ઉમેદવારનો વિજય થયો છે. ઉલ્લેખનીય છે કે, એમએસયુની ચૂંટણી હંમેશાં રસપ્રદ હોય છે અને તેમાં ઊભા રહેલા ઉમેદવાર પણ સામાન્ય ચૂંટણી થતો હોય એટલો ખર્ચ કરતા હોય છે.