સુરત: રોડ પર જઇ રહેલા યુવકના હાથમાંથી જ મોબાઇલ ઝુંટવી લૂંટારૂઓ ફરાર

સુરત : શહેરમાં છેલ્લા કેટલાક સમયથી મોબાઈલ અને ચેઈન સ્નેચિંગની ઘટનાઓમાં ધરખમ વધારો થયો છે. સતત પોલીસ ચોપડે ફરિયાદો પણ નોંધાઈ રહી છે, ત્યારે સુરત શહેરના વરાછા વિસ્તારના મુખ્ય રોડ પર ચાલતા જતા યુવકના હાથમાંથી મોબાઈલ સ્નેચિંગ થયું હતું. ઘટના અંગે વિગતે મળતી માહિતી અનુસાર એક યુવક રોડ પર ચાલતો જઇ રહ્યો હતો તેજ સમયે મોટરસાયકલ પર આવેલા એક શખ્સ તે યુવકના હાથમાંથી મોબાઈલ ઝૂંટવી ફરાર થઈ ગયો હતો. મોબાઈલ સ્નેચરને પકડવાનો પ્રયાસ પણ યુવક તેની પાછળ દોડી  કર્યો હતો. જોકે, સ્નેચર ભાગવામાં સફળ થયા હતા. મોબાઈલ સ્નેચિંગની ઘટના સીસીટીવીમાં કેદ થઈ ગઈ હતી.