વાહ રે રામ લલ્લા : અવધમાં તારા આગમન પર દરગાહમાં પણ દીવા પ્રગટ્યા!

અમદાવાદમાં આવેલી શાહ-એ-આલમ દરગાહે દરગાહ પર 101 માટીના દીવા પ્રગટાવીને રામ મંદિરના અભિષેકની ઉજવણી કરવામાં આવી. મુસ્લિમ બિરાદરોએ દરગાહ પર દીપ પ્રગટાવીને રામલલ્લાને આવકાર્યા હતા. ત્યારે આ ક્ષણ અદભૂત બની હતી. રામ મંદિર પ્રાણ પ્રતિષ્ઠા મહોત્સવને મુસ્લિમ બિરાદરોએ બિરદાવ્યો છે. આ ખુશી વ્યક્ત કરવા દરગાહમાં દીવા પ્રગટાવી ઉજવણી કરવામાં આવી હતી.

 

અમદાવાદની શાહ-એ-આલમ દરગાહ પર 101 માટીના દીવા પ્રગટાવી રામ મંદિરના અભિષેકની ઉજવણી#RamLallaVirajman #RamMandirPranPrathistha #PranPratistha #RamMandirAyodhya #AyodhyaRamMandirPuja #AyodhyaMandir #ZEE24KalakOriginalVideo #ZEE24Kalak pic.twitter.com/q4UXCIaVN3

— Zee 24 Kalak (@Zee24Kalak) January 22, 2024

અયોધ્યામાં ભગવાન રામલલાની પ્રાણ પ્રતિષ્ઠાનો કાર્યક્રમ આખરે સંપન્ન થયો. અને તેની સાથે જ કરોડો રામભક્તોનો સદીઓ જૂનો ઈંતઝાર ખતમ થઈ ગયો. રામલલા ગર્ભગૃહમાં બિરાજમાન થઈ ગયા છે. સોના અને ફૂલોથી સજાવવામાં આવેલી 51 ઈંચની રામલલાની મૂર્તિના દ્રશ્યો સામે આવ્યા. દ્રશ્યોમાં જોઈ શકાય છે કે રામલલાના મસ્તક પર સ્વર્ણ મુગટ પહેરાવવામાં આવેલો છે. અને ગળામાં હીરા-મોતીઓનો હાર છે. તે સિવાય ભગવાનના કાનમાં કુંડળ સુશોભિત થઈ રહ્યા છે. હાથમાં સુવર્ણ ધનુષ-બાણ છે. રામલલા પીળી ધોતી પહેરેલાં દ્રશ્યમાન થાય છે.

 

અયોધ્યામાં ભગવાન રામની પ્રાણ પ્રતિષ્ઠાના પગલે મહેસાણાનું ઉંઝા APMC રામમય બન્યું. APMCને વિશેષ રીતે શણગારવામાં આવી. તો પરિસરમાં સુંદર મજાની વિવિધ રંગોળીઓ પૂરવામાં આવી. અહીંયા અયોધ્યાથી લાઈવ પ્રસારણ નિહાળવા માટે વિશેષ એલઈડી સ્ક્રીન મૂકવામાં આવી હતી. APMCના વેપારીઓ સહિત સ્થાનિક લોકોએ ઝી 24 કલાકના માધ્યમથી પ્રાણ પ્રતિષ્ઠાનો સંપૂર્ણ કાર્યક્રમ નિહાળ્યો હતો.