ઓલ રાઉન્ડર રવિન્દ્ર જાડેજાના પત્ની રિવાબા અને સાસુની મુશ્કેલી વધી, એવું તો શું થયું કે કોર્ટે ઈશ્યુ કર્યું વોરંટ

નોંધનીય છે કે, જામનગરમાં વર્ષ 2018માં પોલીસ હેડ ક્વાર્ટર નજીક વાહન ટકરાવાની બાબતે ઓલ રાઉન્ડર ક્રિકેટર રવિન્દ્ર જાડેજાના પત્ની રિવાબા પર હુમલો કરવાના એક કોન્સ્ટેબલ સામે નોંધાયેલા કેસમાં ફરિયાદી ક્રિકેટરના પત્ની અને સાક્ષી એવા તેણીના માતા સામે કોર્ટે સમન્સ કાઢ્યા બાદ હવે તેઓને કોર્ટમાં હાજર થવા વોરંટ કાઢ્યું છે.

જાણો શું હતો સમગ્ર કેસ?
આ ઘટના વિશે વાત કરીએ તો 21/05/2018ના પોલીસ હેડ ક્વાર્ટર પાસેથી કાર લઈને પસાર થતા રિવાબાની કાર સાથે પોલીસ કર્મચારી સંજય કરંગીયાનું મોટર સાઈકલ અથડાયા બાદ બોલાચાલીમાં રિવાબા પર પોલીસ કોન્સ્ટેબલે હુમલો કર્યાની ફરિયાદ પોલીસ સ્ટેશને નોંધાઈ હતી. જે મામલે પોલીસે કોર્ટમાં ચાર્જશીટ રજૂ કરી હતી. 

બનાવ વખતે રિવાબાના માતા પણસાથે હતા. તેથી રિવાબા સાથે તેમને પણ કોર્ટ દ્વારા સમન્સ કરાયું હતું. જે બાદ વારંવાર મુદ્દત પડી. બાદમાં કોર્ટ જામીન લાયક કોર્ટ કાઢ્યું હતું. જે વિવિધશેરાઓની નોંધ સાથે પરત આવેલું. ત્યારબાદ હાલમાં ફરી કોર્ટે રિવાબા અને તેમના માતા સામે વોરંટ કાઢ્યું છે. રિવાબાનું વોરંટ જામનગર એસપી મારફતે અને તેના માતાનું રાજકોટ પોલીસકમિશનર મારફતે બજાવણી કરવા હુકમ થયો છે. કેસની આગામી તારીખ 25 માર્ચ રાખવામાં આવી છે.