ગ્રે માર્કેટમાં તોફાન મચાવી રહ્યો છે આ IPO, 500 રૂપિયાને પાર લિસ્ટિંગના સંકેત

ગ્રે માર્કેટમાં શું છે સ્થિતિ
ટોપશેર બ્રોકર્સની વેબસાઇટ પ્રમાણે ઋષભ ઈન્સ્ટ્રૂમેન્ટનો આઈપીઓ ગ્રે માર્કેટમાં 85 રૂપિયાના પ્રીમિયમ સાથે ટ્રેડ કરી રહ્યો છે. તો આઈપીઓની ઈશ્યૂ પ્રાઇઝ 418થી 441 રૂપિયા પ્રતિ શેર નક્કી કરવામાં આવી છે. આ પ્રમાણે જુઓ તો શેરનું લિસ્ટિંગ 526 રૂપિયા (526+85) પર થઈ શકે છે. આ આશરે 15 ટકા પ્રીમિયમ છે. 

આ પણ વાંચોઃ Bank FD Interest Rate: આ બેંકોએ કરી કમાલ, FD પર આપી રહી છે 9 ટકાથી વધુ વ્યાજ દર

મળ્યો જોરદાર પ્રતિસાદ
ઋષભ ઈન્સ્ટ્રૂમેન્ટના આઈપીઓના ઈશ્યૂના છેલ્લા દિવસે શુક્રવારે 31.65 ગણું સબ્સક્રિપ્શન મળ્યું છે. નેશનલ સ્ટોક એક્સચેન્જ પર ઉપલબ્ધ આંકડા પ્રમાણે આઈપીઓ હેઠળ 24,65,71,162 શેર માટે બોલીઓ મળી, જ્યારે રજૂઆત 77,90,202 શેરની છે. બિન-સંસ્થાગત ઈન્વેસ્ટરોના ક્વોટામાં 31.29 ગણું જ્યારે રિટેલ ઈન્વેસ્ટરોના ક્વોડાને 8.44 ગણું સબ્સક્રિપ્શન મળ્યું છે. જ્યારે ક્યૂઆઈબી શ્રેણીમાં 72.54 ગણું સબ્સક્રિપ્શન મળ્યું છે. 

આઈપીઓ હેઠળ 75 કરોડ રૂપિયાના નવા ઈક્વિટી શેર જારી કરવામાં આવ્યા છે. આ સિવાય વર્તમાન સમહૂના શેરધારકો અને વર્તમાન ઈન્વેસ્ટરો તરફથી 94.3 લાખ સુધીના ઈક્વિટી શેર વેચાણ (ઓએફએસ) માટે રાખવામાં આવ્યા છે. કંપનીએ મંગળવારે એન્કર ઈન્વેસ્ટરો પાસેથી 147.23 કરોડ રૂપિયા ભેગા કર્યાં છે. 

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube