Zero Rupee Note: શું તમે ઝીરો રૂપિયાની નોટ જોઈ છે? જાણો ક્યારે અને શા માટે છપાઈ, રસપ્રદ છે કહાની

ખાસ ઝુંબેશ હેઠળ આ નોટ છાપવામાં આવી હતી
તમને જણાવી દઈએ કે, આ ઝીરો રૂપિયાની નોટ પર રાષ્ટ્રપિતા મહાત્મા ગાંધીનો ફોટો પણ છપાયેલો છે અને તે બિલકુલ અન્ય નોટોની જેમ જ દેખાય છે. પરંતુ તમે વિચારતા હશો કે ઝીરો રૂપિયાની નોટ શા માટે લાવવામાં આવી. છેવટે, આ નોટથી શું ખરીદી શકાય છે. તમને જણાવી દઈએ કે, આ નોટ આરબીઆઈ થકી જારી કરવામાં આવી નથી. વાસ્તવમાં, તે ભ્રષ્ટાચાર વિરુદ્ધ અભિયાન હેઠળ બનાવવામાં આવી છે.

Bank Holidays 2021 December: આજથી 6 દિવસ બેંક બંધ! વર્ષ પૂરું થવામાં 8 દિવસ જ બાકી, ફટાફટ પતાવો જરૂરી કામ

5 લાખની નોટો છાપવામાં આવી હતી
આ નોટની શરૂઆત એક સંસ્થા દ્વારા ભ્રષ્ટાચાર સામેના હથિયાર તરીકે કરવામાં આવી હતી. આ વિચાર વર્ષ 2007માં દક્ષિણ ભારતમાં એક બિન-લાભકારી સંસ્થા (NGO)નો હતો. તમિલનાડુ સ્થિત 5th Pillar નામની આ NGOએ લગભગ પાંચ લાખ રૂપિયાની ઝીરો નોટ છાપવાનું કામ કર્યું હતું. આ નોટો હિન્દી, તેલુગુ, કન્નડ અને મલયાલમ એમ ચાર ભાષાઓમાં છપાઈ અને લોકોમાં વહેંચવામાં આવી.

નોટ પર ભ્રષ્ટાચાર વિરુદ્ધ અનેક સંદેશા લખવામાં આવ્યા હતા
ભ્રષ્ટાચાર વિરુદ્ધ બનેલી આ નોટમાં અનેક મેસેજ લખવામાં આવ્યા હતા, જેમાં 'ભ્રષ્ટાચારનો અંત કરો', 'કોઈ લાંચ માંગે તો આ નોટ આપીને અમને મામલો જણાવો', આ શૂન્ય રૂપિયાની નોટ પર રાષ્ટ્રપિતા મહાત્મા ગાંધીનો ફોટો પણ છપાયેલો છે અને નોટની નીચે જમણી બાજુએ સંસ્થાનો ફોન નંબર અને ઈમેલ આઈડી છપાયેલ છે.

ગજબનું TV! સ્ક્રીન પર આવશે ચોકલેટ-પિઝા તો ચાટીને માણી શકશો સ્વાદ, જાણો તમામ વિગતો

આ ખાસ નોટો લાંચ માંગનારાઓને આપવામાં આવી હતી
માત્ર '5મો પિલર' નામની સંસ્થા જ ઝીરો રૂપિયાની નોટ બનાવતી અને લાંચ માંગનારાને આપતી. આ નોટ ભ્રષ્ટાચાર વિરુદ્ધના અભિયાનનું પ્રતિક હતું. આ સંસ્થાના તમિલનાડુના ઘણા જિલ્લાઓમાં કેન્દ્રો હતા. તેનું મુખ્ય મથક ચેન્નાઈમાં છે. બેંગ્લોર, હૈદરાબાદ, દિલ્હી અને રાજસ્થાનના પાલીમાં પણ આ સંસ્થાના કેન્દ્રો છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube