)
CSK-Suresh Raina : ఇటీవల జరిగిన ఐపీఎల్ మెగా వేలం 2022లో (IPL Auction 2022) పెద్దగా కొనుగోలు చేయడానికి ఆసక్తి చూపని ఆటగాళ్లలో సీనియర్ ఆటగాడు సురేశ్ రైనా (Suresh Raina) ఒకరు. దశాబ్దం పాటు చెన్నై సూపర్ కింగ్స్ (Chennai Super Kings) కు ప్రాతినిధ్యం వహించాడు సురేశ్ రైనా. ఫ్రాంచైజీతో విభేదాల కారణంగా ఈ ఏడాది అతడిని రిటైన్ చేసుకోలేదు.
రూ. 2కోట్లు బేస్ ధరతో వేలంలోకి వచ్చినప్పటికీ అతడిని ఏ ఫ్రాంచైజీ కొనుగోలు చేయలేదు. ఈ ఏడాది ఐపీఎల్ ప్రారంభానికి ముందే రైనాకు భావోద్వేగంతో వీడ్కోలు పలికింది సీఎస్కే. ఈ మేరకు అతడితో ఉన్న అనుబంధాన్ని సోషల్ మీడియా వేదికగా పంచుకుంది. 2008లో టోర్నమెంట్ ప్రారంభమైనప్పటి నుంచి రైనా యెుక్క చిరస్మరణీయ క్షణాలను క్యాప్చర్ చేసిన వీడియో మాంటేజ్ ను పోస్ట్ చేసింది.
💛 Inside out since '08! Anbuden Nandri Chinna Thala @imraina! 🦁
Full 📹 : https://t.co/sVOelS9LYt#SuperkingForever #WhistlePodu 🦁💛 pic.twitter.com/uU5vLEl02C— Chennai Super Kings - Mask P😷du Whistle P🥳du! (@ChennaiIPL) February 21, 2022
'చిన్న తలా'గా పిలువబడే సురేశ్ రైనా ఐపీఎల్ (IPL) లో అత్యధిక పరుగులు చేసిన ఆటగాళ్లలో ఒకడు. ఐపీఎల్లో మొత్తం 205 మ్యాచ్ల్లో 32.51 సగటుతో 5528 పరుగులు పరుగులు సాధించాడు. ఇందులో ఒక సెంచరీ, 39 అర్థ సెంచరీలు ఉన్నాయి. చెన్నై జట్టు తరపున 176 మ్యాచ్లు ఆడిన సురేశ్ రైనా.. 32.32 సగటుతో 4687 స్కోరు చేశాడు. ఇందులో ఒక సెంచరీ, 33 హాఫ్ సెంచరీలు ఉన్నాయి.
ప్లేఆఫ్‌లలో అత్యధిక ఫోర్లు (51), అత్యధిక సిక్సర్లు (40) కొట్టిన లెఫ్ట్ హ్యాండ్ బ్యాట్స్ మెన్స్ రైనా. ఇప్పటి వరకు క్వాలిఫైయర్, ఎలిమినేటర్, ఫైనల్‌లో ప్లేయర్ ఆఫ్ ద మ్యాచ్‌గా ఎంపికైన ఏకైక ఆటగాడు రైనా. 2016, 2017 సీజన్ల తప్ప మిగిలిన అన్ని సీజన్లలోనూ సీఎస్కేకు రైనా ప్రాతినిధ్యం వహించాడు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
Newsletter
