ఫిఫా ప్రపంచకప్ 2018 అవార్డు విజేతలు వీరే..!

ఫుట్ బాల్ ప్రపంచకప్ సంగ్రామం ముగిసింది. ఫ్రాన్స్ జట్టు ఫిఫా వరల్డ్ కప్ 2018 టైటిల్ కైవసం చేసుకుంది. క్రొయేషియా రన్నరప్‌ ట్రోఫీతో సరిపెట్టుకుంది. ఫిఫా ప్రపంచకప్ పోరులో అత్యుత్తమ ప్రదర్శన చేసిన పలువరు ఆటగాళ్లకు అవార్డులు దక్కాయి. వారి వివరాలు..

• వరల్డ్ కప్ ట్రోపీ- ఫ్రాన్స్
• గోల్డెన్ బూట్ అవార్డ్- హ్యారీ కేన్ (ఇంగ్లాండ్-6 గోల్స్)
• గోల్డెన్ గ్లోవ్స్ అవార్డ్- తిబాట్ కోర్షియాస్ (బెల్జియం)
• ఫెయిర్ ప్లే అవార్డ్- స్పెయిన్
• ఫిఫా గోల్డెన్ బాల్ అవార్డ్-మొడ్రిక్(క్రొయేషియా)
• యంగ్ ప్లేయర్ అవార్డ్-క్యలియన్ ఎంబాపే(ఫ్రాన్స్)

ఫ్రాన్స్ జట్టుకు ప్రముఖుల అభినందనలు

ఫిఫా ప్రపంచకప్ విజేత ఫ్రాన్స్‌కు అభినందనలు వెల్లువెత్తుతున్నాయి. ఫైనల్‌లో అద్భుతమైన ఆటతీరును కనబరిచారంటూ భారత రాష్ట్రపతి రామ్‌నాథ్ కోవింద్‌తో పాటు ప్రధాని నరేంద్ర మోదీ ఆ జట్టుకు శుభాకాంక్షలు తెలిపారు. సచిన్, సెహ్వాగ్ వంటి దిగ్గజాలు కూడా ఫ్రాన్స్ విజయం పట్ల సంతోషం వ్యక్తం చేశారు. అటు ప్రపంచకప్‌కు ఆతిథ్యమివ్వడం పట్ల రష్యాపై ప్రపంచానికి ఉన్న దృష్టికోణం మారిందని ఆ దేశాధ్యక్షుడు వ్లాదిమిర్ పుతిన్ తెలిపారు.

#WATCH: Fireworks on the streets of Paris after France 🇫🇷 beat Croatia 🇭🇷 4-2 to win the #FIFAWorldCup2018. pic.twitter.com/93Kn3ByTzF

— ANI (@ANI) July 15, 2018

 

Celebrations on the streets of Paris after France 🇫🇷 beat Croatia 🇭🇷 4-2 to win the #FIFAWorldCup2018. pic.twitter.com/TkzGrUhCSD

— ANI (@ANI) July 15, 2018

 

ఫిఫా వరల్డ్ కప్-2018 విజేత ఫ్రాన్స్

ఫుట్‌బాల్ వరల్డ్ కప్-2018 టైటిల్‌ను ఫ్రాన్స్ జట్టు సొంతం చేసుకుంది. క్రొయేషియాతో ఆదివారం ఉత్కంఠభరితంగా జరిగిన ఫైనల్ మ్యాచ్‌లో 4-2 గోల్స్ తేడాతో ఫ్రాన్స్ ఘనవిజయం సాధించింది.19, 38, 60, 66వ నిమిషాల్లో ఫ్రాన్స్ జట్టు గోల్స్ నమోదు చేశారు. 20 ఏళ్ల తరువాత (1998 తరువాత) ప్రపంచకప్ గెలవడం ఫ్రాన్స్ జట్టుకు ఇదే తొలిసారి.

ఫిఫా ఫైనల్ సైడ్ లైన్స్

• 1958 తర్వాత ఫిఫా వరల్డ్ కప్ ఫైనల్‌లో ఆరు గోల్స్ నమోదు కావడం ఇదే తొలిసారి.
• ప్రపంచకప్ ఫైనల్‌లో గోల్ చేసిన యువ ఆటగాడిగా పీలే తరువాత నిలిచిన ఫ్రాన్స్ ఆటగాడు ఎంబాపే.
• మూడు సార్లు ప్రపంచకప్ ఫైనల్‌కు చేరిన ఫ్రాన్స్ రెండుసార్లు విజేతగా నిలిచింది.
• తొలిసారి ప్రపంచకప్ ఫైనల్ లో క్రొయేషియా రన్నరప్‌గా నిలిచింది.