Rs 2000 Notes Viral Video: పెట్రోల్ పోసుకుని 2 వేల నోటు ఇచ్చాడనే కోపంతో.. వైరల్ వీడియో

Rs 2000 Notes Viral Video: ఆర్బీఐ 2 వేల నోట్లను చలామణి నుంచి ఉపసంహరించుకుంటున్నట్టు చేసిన ప్రకటన దేశంలో కొన్ని అనూహ్య పరిణామాలకు దారితీస్తోంది. తమ వద్ద ఉన్న 2 వేల నోటును బ్యాంకులో డిపాజిట్ చేయడానికి కానీ లేదా బ్యాంకులో మార్పిడి చేసుకోవడానికి కానీ అవకాశం ఉండగా.. కొంతమంది ఈ రెండు మార్గాలు కాకుండా ఆ రెండు వేల రూపాయల నోట్లను షాపింగ్ మాల్స్‌లోనో లేక పెట్రోల్ బంకుల్లోనూ పేమెంట్స్ కింద చెల్లించి ఆ నోట్లను వదిలించుకోవడమో లేక మార్పిడి చేసుకోవడమో చేస్తున్నారు.

తాజాగా సోషల్ మీడియాలో ఒక వీడియో వైరల్ అవుతోంది. ఆ వైరల్ వీడియోలో ఏముందంటే.. పెట్రోల్ బంకులో పెట్రోల్ కోసం వచ్చిన ఒక స్కూటరిస్ట్.. పెట్రోల్ ఫిల్ చేయించుకున్న అనంతరం పెట్రోల్ కోసం రూ. 2 వేల నోటు తీసిచ్చాడు. ఆ నోటును తీసుకోవడానికి నిరాకరించిన పెట్రోల్ బంక్ వర్కర్.. 2 వేల నోటుకు బదులు మరో నోటు ఇవ్వాల్సిందిగా కోరాడు. కానీ తన వద్ద మరో నోటు ఏదీ లేదని.. 2 వేల నోటునే తీసుకోవాలని కస్టమర్ చెప్పడంతో ఆ ఇద్దరి మధ్య వాగ్వాదం మొదలైంది. పెట్రోల్ బంక్ వర్కర్ అడిగినట్టుగా కస్టమర్ మరో నోటు ఇవ్వలేకపోవడంతో.. అతడిపై ఆగ్రహం వ్యక్తంచేసిన బంక్ వర్కర్.. స్కూటర్లో కొట్టిన పెట్రోల్ ని తిరిగి పైప్ తో పీల్చి ఖాళీ చేశాడు. 

సోషల్ మీడియాలో ఈ వీడియో వైరల్ అవడంతో ఆ పెట్రోల్ బంక్ మేనేజర్ ఈ ఘటనపై స్పందించాడు. ఆర్బీఐ 2 వేల రూపాయల నోట్లపై ప్రకటన చేయడానికి ముందు తమకు రోజు మొత్తంలో కేవలం ఒకటో లేక రెండో నోట్లు మాత్రమే వచ్చాయి. కానీ ఆర్బీఐ ప్రకటన అనంతరం తమకు నిత్యం 70 వరకు రూ. 2 వేల నోట్లు వస్తున్నాయని చెప్పుకొచ్చాడు. అందులో కొంతమంది కేవలం 50 రూపాయల పెట్రోల్ కోసం 2 వేల నోట్లు ఇస్తున్నారని.. అందుకే తాము ఆ నోట్లను తిరస్కరిస్తున్నాం అని చెప్పుకొచ్చారు. 

यूपी के जालौन में पेट्रोल पंप पर 2000 का नोट दिया

कर्मचारियों ने नोट लेने से मना कर दिया। बाद में डाला पेट्रोल भी टंकी से निकाल लिया

वीडियो सोशल मीडिया पर हुआ वायरल pic.twitter.com/mpuvb2usEd

— Nigar Parveen (@NigarNawab) May 22, 2023

ఇది కూడా చదవండి : House for Sale for Just Rs 89: అవును.. 89 రూపాయలకే ఇల్లు కొనే ఛాన్స్..

రూ. 2 వేల నోట్లు ఇచ్చే వాళ్లు ఎక్కువ మొత్తంలో పెట్రోల్ పోయించుకుంటే తమకు అభ్యంతరం లేదు కానీ ఒకట్రెండు లీటర్ల పెట్రోల్ పోసుకుని 2 వేల రూపాయల నోట్లు ఇవ్వడం వల్లే తమకు ఇబ్బంది ఎదురవుతోంది అని పెట్రోల్ బంక్ మేనేజర్ రాజీవ్ గిర్హోత్రా తెలిపారు.

ఇది కూడా చదవండి : Tiger Dog Viral Video: పులి చెవి కొరికేసిన కుక్క.. పక్కనే సింహం! ఫన్నీ వీడియో

ఇది కూడా చదవండి : Leopard Attack Viral Videos: అడుగులో అడుగేసుకుంటూ సైలెంటుగా వచ్చిన చిరుత.. అక్కడే నిద్రిస్తున్న వ్యక్తి..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ -  https://bit.ly/3P3R74U 

ఆపిల్ లింక్ -  https://apple.co/3loQYe 

మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , FacebooK