Bhagyashri Borse: తెలుగు హీరోలందరి చూపు మిస్టర్ బచ్చన్ హీరోయిన్ భాగ్యశ్రీ బోర్సే పైనే..

‘మిస్టర్ బచ్చన్’ సినిమాలో భాగ్యశ్రీ అంద చందాలకు ప్రేక్షకులకు ఫిదా అయ్యారు. ఇందులో క్యూట్ క్యూట్ అందాలతో తెలుగు ప్రేక్షకులను అలరించింది భాగ్యశ్రీ బోర్సే. ఈ సినిమా సక్సెస్ నేపథ్యంలో ఈ భామకు తెలుగులో వరుస ఆఫర్స్ క్యూ కడుతున్నాయి.

తెలుగులో బడా హీరోలైన ఎన్టీఆర్, ప్రభాస్ వంటి హీరోలు తన నెక్ట్స్ ప్రాజెక్ట్స్ లో ఈ భామను తీసుకోవాలనుకుంటున్నారు. ఎన్టీఆర్, ప్రశాంత్ నీల్ సినిమా కోసం రష్మిక మందన్న ఆల్రెడీ ఫిక్స్ అయినట్టు సమాచారం. ఈ సినిమాలో సెకండ్ హీరోయిన్ పాత్ర కోసం భాగ్యశ్రీ పేరును పరిశీలిస్తున్నట్టు సమాచారం.

భాగ్యశ్రీ బోర్సే ది మహారాష్ట్రలోని ఛత్రపతి శంభాజీ నగర్ ఈమె స్వస్థలం. నటి కాకముందు పలు కంపెనీలకు  మోడల్ గా  పని చేసింది. యాక్ట్రెస్ గా ఫస్ట్ మూవీనే రవితేజ వంటి సీనియర్ హీరో సరసన లభించడం మాములు విషయం కాదు. ఈ సినిమాలో రవితేజతో భాగ్యశ్రీ ఆన్ స్క్రీన్ కెమిస్ట్రీకి ప్రేక్షకులు ఫిదా అయ్యారు.

మాస్ మహారాజ్ కూడా ఈ సినిమాలోని పాటల్లో భాగ్యశ్రీని  టచ్ చేయకూడని అందాలను సైతం  టచ్ చేయడంపై పెద్ద దుమారమే రేగినా.. ఈ భామకు మంచి గుర్తింపు వచ్చింది.

అంతేకాదు ఈ మధ్యకాలంలో ముంబై నుంచి వచ్చిన హీరోయిన్స్ కు వేరే వాళ్లు డబ్బింగ్ చెప్పడం షరా మాములే. కానీ ఈమె పట్టుబట్టి.. తెలుగు నేర్చుకొని.. ఫస్ట్ మూవీ ‘మిస్టర్ బచ్చన్’ కోసం తన పాత్రకు తానే డబ్బింగ్ చెప్పుకుంది. ఈ రేంజ్ లో ముంబై భామ ఫస్ట్ మూవీతోనే తన పాత్రకు డబ్బింగ్ చెప్పుకోవడం వంటివి చూస్తే నటిగా ఆమె తాపత్రయం ఏంటో తెలుస్తోంది. 

బహుశా తెలుగులో విజయశాంతి సహా  ప్రస్తుతం లీడింగ్ లో ఉన్న ఏ బడా హీరోయిన్స్ ఎవరు కూడా ఇలా ఫస్ట్ సినిమాతోనే తమ పాత్రకు తామే డబ్బింగ్ చెప్పుకున్న సందర్భాలు లేవు.

మిస్టర్ బచ్చన్ సినిమా విషయానికొస్తే.. ఈ సినిమా హిందీలో అజయ్ దేవ్ గణ్ హీరోగా నటించిన ‘రెయిడ్’ మూవీకి రీమేక్. కానీ హరీష్ శంకర్ ఈ సినిమాను పూర్తిగా మార్పుల చేర్పులతో ఈ సినిమాను తెరకెక్కించాడు. మొత్తంగా ఈ సినిమాతో భాగ్యశ్రీ టాక్ ఆఫ్ ది ఇండస్ట్రీగా మారింది.