Nimmakaya Pachadi Telugu: నిమ్మకాయ పచ్చడి రెసిపీ.. ఇలా 10 నిమిషాల్లో తయారు చేసుకోండి!

 

Nimmakaya Pachadi Telugu: నిమ్మకాయ పచ్చడి ఒక ప్రసిద్ధ ఆంధ్ర వంటకం. ఇది రుచికి ఎంతో పుల్ల పుల్లగా కారo ఉంటుంది. ఇది సాధారణంగా అన్నం, ఇడ్లీలు, దోసెలు, ఇతర వంటకాలతో కలిపి తీసుకుంటారు. చాలా మంది దీనిని మార్కెట్‌లో కొనుగోలు చేస్తారు. ఇలా ఫ్యాక్‌ చేసిన పచ్చడ్లు తినడం వల్ల శరీరానికి అనేక అనారోగ్య సమస్యలు వచ్చే అవకాశాలు ఉన్నాయి. కాబట్టి ఈ నిమ్మకాయ పచ్చడిని ఇంట్లోనే తయారు చేసి తీసుకుంటే బాడీకి విటమిన్లు, ఖనిజాలు, యాంటీఆక్సిడెంట్లు పుష్కలంగా లభిస్తాయి. దీనిని తయారు చేసుకోవడం కూడా చాలా సులభం.. ఈ నిమ్మకాయ పచ్చడి తయారీ విధానం, కావాల్సిన పదార్థాలు పూర్తి వివరాలు ఇప్పడు తెలుసుకుందాం. 

కావలసిన పదార్థాలు:
నిమ్మకాయలు - 1 కిలో
ఉప్పు - రుచికి సరిపడా
పసుపు - 1/2 టీస్పూన్
ఎర్ర మిరపకాయలు - 5-6
ఆవాలు - 1 టీస్పూన్
జీలకర్ర - 1 టీస్పూన్
మెంతులు - 1 టీస్పూన్
కరివేపాకు - 1 రెమ్మ
నూనె - 1/2 కప్పు

తయారీ విధానం:
ముందుగా ఓ పెద్ద బౌల్‌ తీసుకోవాల్సి ఉంటుంది. అందులో నిమ్మకాయలను వేసి బాగా కడిగి, చిన్న ముక్కలుగా కోసుకోవాలి.
ఒక గిన్నెలో నిమ్మకాయ ముక్కలు, ఉప్పు, పసుపు వేసి బాగా కలపాల్సి ఉంటుంది. 
ఆ తర్వాత వీటిని మూత పెట్టి 2 నుంచి 3 రోజులు నానబెట్టాలి.
మూడు రోజుల తరువాత, నిమ్మకాయ ముక్కలను నీటిలో కడిగి, నీరు పోయేంతవరకు గాలిలో ఆరనివ్వాల్సి ఉంటుంది.
తర్వాత ఒక పాన్‌లో నూనె వేడి చేసి, ఆవాలు, జీలకర్ర, మెంతులు వేసి వేయించాలి.
వేయించిన కారపు పొడి, కరివేపాకు, ఎర్ర మిరపకాయలు వేసి వేయించాలి.
ఈ మిశ్రమాన్ని నిమ్మకాయ ముక్కలతో కలిపి బాగా కలపాలి.
చల్లారిన తర్వాత, గాజు సీసాలో నిల్వ చేసుకోవాలి.

చిట్కాలు:
నిమ్మకాయ పచ్చడి ఎక్కువ కాలం నిల్వ ఉండాలంటే, నిమ్మకాయ ముక్కలను బాగా ఎండబెట్టి, ఆ తర్వాత పచ్చడి చేయాలి.
పచ్చడిలో ఎక్కువ కారం కావాలంటే, మంచి ఎర్రటి మిరపకాయల కారాన్ని వినియోగించాలి.
పచ్చడిలో వేయించిన కారపు పొడి బదులుగా, మిరపకాయ పొడి కూడా వాడవచ్చు.

ఆరోగ్య ప్రయోజనాలు:
జీర్ణక్రియ మెరుగుపరుస్తుంది: 
నిమ్మకాయ పచ్చడిలోని సిట్రిక్ ఆమ్లం జీర్ణ రసాల  ప్రేరేపిస్తుంది. ఇది ఆహారాన్ని బాగా జీర్ణం చేసుకోవడానికి, పోషకాల శోషణను మెరుగుపరచడానికి సహాయపడుతుంది.

రోగనిరోధక శక్తిని పెంచుతుంది: 
నిమ్మకాయ పచ్చడిలో విటమిన్ సి పుష్కలంగా ఉంటుంది. అంతేకాకుండా ఇందులో శక్తివంతమైన యాంటీఆక్సిడెంట్ లభిస్తాయి. కాబట్టి ప్రతి రోజు తీసుకుంటే రోగనిరోధక శక్తి పెరుగుతుంది. దీంతో పాటు జలుబు, ఫ్లూ వంటి సాధారణ అంటువ్యాధులకు రాకుండా ఉంటాయి. 

Also Read 2024 Bajaj Pulsar N250: మార్కెట్‌లోకి కొత్త పల్సర్ N250 వచ్చేసింది.. ఫీచర్స్‌, స్పెషిఫికేషన్స్‌ ఇవే!

గుండె ఆరోగ్యాన్ని మెరుగుపరుస్తుంది: 
నిమ్మకాయ పచ్చడిలో పొటాషియం పుష్కలంగా ఉంటుంది. ఇది రక్తపోటును నియంత్రించడానికి  గుండె జబ్బుల ప్రమాదాన్ని తగ్గించడానికి సహాయపడుతుంది.

క్యాన్సర్‌తో పోరాడుతుంది: 
నిమ్మకాయ పచ్చడిలోని యాంటీఆక్సిడెంట్లు ఫ్రీ రాడికల్స్‌ను తటస్థం చేయడంలో సహాయపడతాయని ఆరోగ్య నిపుణులు తెలుపుతున్నారు. ఇవి కణాలకు నష్టాన్ని, క్యాన్సర్‌ కణాలను నియంత్రించేందుకు సహాయపుడుతుంది. 

Also Read 2024 Bajaj Pulsar N250: మార్కెట్‌లోకి కొత్త పల్సర్ N250 వచ్చేసింది.. ఫీచర్స్‌, స్పెషిఫికేషన్స్‌ ఇవే!

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి