High Cholesterol Symptoms: ఈ లక్షణాలుంటే చెడు కొలెస్ట్రాల్‌ పెగినట్లేనా..గుండె పోటు సమస్య తప్పదా..?

High Cholesterol Symptoms: జీవన శైలిలో మార్పుల కారణంగా చాలా మంది అనారోగ్య సమస్యల బారినడుతున్నారు. అంతేకాకుండా బయట లభించే ఆహారాలు తీసుకోవడం వల్ల చాలా మంది ప్రాణాంతక సమస్యలతో కూడా బాధపడుతున్నారు. అయితే బయట లభించే అనారోగ్యకరమైన ఆహారాలను అతిగా తీసుకోవడం వల్ల చెడు కొలెస్ట్రాల్‌ స్థాయిలు కూడా పెరుగుతున్నాయి. అయితే ఈ సమస్యల నుంచి సులభంగా ఉపశమనం పొందడానికి పలు రకాల నియమాలు పాటించాల్సి ఉంటుంది. బాడీలో చెడు కొలెస్ట్రాల్‌ పెరగడం వల్ల కొన్ని లక్షణాలు ఉత్పన్నమవుతాయి. చెడు కొవ్వు పెరగడం వల్ల ఎలాంటి లక్షణాలు శరీరంలో ఏర్పడుతాయో ఇప్పుడు తెలుసుకుందాం..

రక్త నాళాలు:
అధిక కొలెస్ట్రాల్ రక్త నాళాల సమస్యలకు కూడా దారి తీయోచ్చని ఆరోగ్య నిపుణులు తెలుపుతున్నారు. దీంతో గుండె పోటుకు కూడా దారీ తీసే అవకాశాలున్నాయి. దీని వల్ల హై బీపీ, మధుమేహంతో పాటు గుండె జబ్బులు వచ్చే ప్రమాదం కూడా పెరుగుతుంది.

చెడు కొలెస్ట్రాల్‌ అని ఎలా తెలుసుకోవాలి.?:
వేయించిన ఆహారాన్ని తినడం వల్ల చెడు కొలెస్ట్రాల్ ప్రమాదం పెరిగే అవకాశాలున్నాయి. మార్కెట్‌లో లభించే చాలా ఆహారాలు ఆయిల్ ఫుడ్, అనారోగ్యకరమైనవి లభిస్తున్నాయి. దీంతో వీటిని తరుచుగా తినడం వల్ల చెడు కొలెస్ట్రాల్ కు దారీ తిసే అవకాశాలున్నాయి. అయితే అధిక కొలెస్ట్రాల్‌ను గుర్తించడానికి లిపిడ్ ప్రొఫైల్ పరీక్ష చేసుకోవడం చాలా మంచిదని ఆరోగ్య నిపుణులు తెలుపుతున్నారు.

గుండె సమస్యలు:
చేతుల్లో తీవ్రమైన నొప్పి కలిగి ఉంటే.. అస్సలు విస్మరించవద్దని ఆరోగ్య నిపుణులు తెలుపుతున్నారు. ఎందుకంటే అధిక కొలెస్ట్రాల్ కారణంగా.. గుండె సరిగ్గా రక్తాన్ని పంప్ చేయకపోవచ్చు. దీంతో చేతుల్లో నొప్పులు సంభవించే అవకాశాలున్నాయి.

జలదరింపు సమస్య:
చేతుల్లో జలదరింపు సమస్య ఉంటే.. చేతి రక్తనాళాల్లో రక్త సరఫరా తగ్గుతోందని అర్థం చేసుకోవాలని ఆరోగ్య నిపుణులు చెబుతున్నారు. దీని వల్ల తీవ్ర నొప్పులు వచ్చే అవకాశాలున్నాయి. చేతిలో నిరంతరం జలదరింపు ఉంటే తప్పకుండా వైద్యులను పంప్రదించడం చాలా మంచిది.

కొలెస్ట్రాల్ పెరిగినప్పుడు చర్మం రంగు మారుతుందా..?:
చేతులకు సరైన రక్త సరఫరా ఉంటే గోళ్ల రంగు లేతగా ఉంటాయి. ముఖ్యంగా శరీరం ఆరోగ్యంగా ఉంటే గోళ్లు ఎరుపు లేదా గులాబీ రంగులో ఉంటాయి. అయితే శరీరంలో కొలెస్ట్రాల్ స్థాయి పెరిగితే గోర్లు, చర్మం యొక్క రంగు మారడం ప్రారంభమవుతుంది. ఇలా రంగు మారడం వల్ల తీవ్ర అనారోగ్య సమస్యలు వచ్చే అవకాశాలున్నాయి.