నరేంద్రమోదీ '1బి' ప్లాన్

భారత ప్రధాని నరేంద్రమోదీ మరోకొత్త సంస్కరణకు శ్రీకారం చుట్టనున్నట్లు సమాచారం. ఈజ్ ఆఫ్ బిజినెస్ లో భారత్ 30 ర్యాంకులు పైకి ఎగబాకడం, మూడీస్ సంస్థ ఇచ్చిన రేటింగ్ నేపథ్యంలో మోదీ ప్రభుత్వం ఈ కొత్త ఆలోచన చేస్తున్నట్లు తెలిసింది. 

ఇప్పటికే నోట్లరద్దు, జీఎస్టీ లాంటి సంస్కరణలతో దూసుకుపోతున్న కేంద్రం.. కొత్తగా ఆధార్ అనుసంధానంపై మరో ప్రటకన చేయనుంది. ఆ సంస్కరణ పేరు 1బి+1బి+1బి కనెక్టివిటీ. అంటే 100 కోట్ల ఆధార్ నంబర్లతో 100 కోట్ల బ్యాంకు ఖాతాలకు అనుసంధానం, 100 కోట్ల మొబైల్స్ లింకింగ్ అన్నమాట. పెద్ద నోట్ల రద్దు తరువాత డిజిటల్ లావాదేవీలు, బ్యాంకు ఖాతాలు పుంజుకోవడంతో ప్రభుత్వం ఈ లక్ష్యానికి చేరువ కావాలని యోచిస్తోంది. ఇంకా దీనిపై ఎటువంటి అధికారిక ప్రకటన వెలువడకపోయినా.. తొందరలోనే ప్రకటించవచ్చని ఆర్థిక నిపుణులు చెబుతున్నారు.