జీఈఎస్ సదస్సులో మోడీ స్పీచ్ హైలెట్స్

ప్రపంచ పారిశ్రామికవేత్తల సదస్సులో భారత ప్రధాని ప్రసంగించారు. మహిళా సాధికారతను పెంపొందించే ఈ ప్రపంచ సదస్సు భారతదేశంలో జరగడం ఆనందంగా ఉందన్నారు. ఈ క్రమంలో ఈ సదస్సుకు అమెరికన్ ప్రభుత్వం సలహాదారు ఇవాంకా ట్రంప్ రావడం హర్షణీయమని చెప్పారు. సదస్సు సందర్భంగా ప్రధాని మోడీ ప్రసంగంలోని కొన్ని ముఖ్య విషయాలు మీకోసం..! 

• మహిళ ఒక శక్తికి రూపం. నేను మహిళా వికాసం మన వికాసానికి ఆధారమని నమ్ముతాను. 

• గార్గి, రాణీ లక్ష్మీబాయి, రాణీ అహల్యాబాయి వంటి మహిళలు మాకు ఎంతో ఆదర్శం. 

• మార్స్ ఆర్బిటర్ మిషను విజయంలో మహిళల పాత్ర ఎంతో ఉంది. సునీతా విలియమ్స్, కల్పనా చావ్లా వంటి అమెరికన్ వ్యోమగాములు కూడా భారతీయ సంతతి మహిళలే. 

• భారతీయ మంత్రులలో కూడా మహిళలకు ప్రత్యేక స్థానం దక్కింది. 

• హైదరాబాద్ నగరం పివిసింధు, సానియా మీర్జా, సైనా నెహ్వాల్ లాంటి గొప్ప క్రీడాకారిణులకు పుట్టినిల్లు. 

• గుజరాత్ పాల సరఫరా సంఘం ఆవిర్భావంలో కూడా మహిళల పాత్ర కూడా ఎంతో ఉంది.  భారతదేశంలో మహిళా కోఆపరేటివ్ వ్యవస్థ వెలుగొందడానికి వారు ఆదర్శప్రాయులయ్యారు. 

• నేడు మనం బైనరీ సిస్టమ్ గురించి మాట్లాడుతున్నాం. కానీ జీరో పుట్టిందే భారతదేశంలో కదా..!

• ఇలాంటి సదస్సులు సిలికాన్ వ్యాలీ. హైదరాబాద్ నగరాలనే కాదు. భారత్, అమెరికా మధ్య ఉన్న అనుబంధాన్ని పటిష్టం చేస్తాయి.

 

To entrepreneurs here from all over the world, I assure you India’s whole-hearted support and urge you to come Make in India and Invest in India. For India and the World: PM @narendramodi pic.twitter.com/RDxcPZU6s0

— NITI Aayog (@NITIAayog) November 28, 2017