పొట్టి నిక్కర్లతో పార్టీ చేసుకున్న టాలీవుడ్ కమెడియన్లు

తెలుగు సినీ పరిశ్రమకు చెందిన కొందరు కమెడియన్లు అందరూ కూడా ఒక చిన్న వాట్సాప్ గ్రూపు క్రియేట్ చేసుకున్నారు. ఈ గ్రూపుకి ‘ఫ్లైయింగ్‌ కలర్స్‌’ అనే పేరు కూడా పెట్టారు. ప్రతీ నెల ఈ కమెడియన్లు అందరూ కలిసి పార్టీ చేసుకోవాలన్నది ఈ గ్రూపు నిబంధన. అంటే ప్రతీ నెల గ్రూపు సభ్యుల్లో ఎవరో ఒకరు గ్రూపులోని వారందరికీ పార్టీ ఇస్తారన్న మాట. వెన్నెల కిషోర్, సత్యం రాజేష్, నందు, సప్తగిరి, శ్రీనివాస్ రెడ్డి, ప్రవీణ్, వేణు, సత్య, రఘు, తాగుబోతు రమేష్ మొదలైన వారందరూ ఈ గ్రూపులో ప్రస్తుతం సభ్యులుగా ఉన్నారట.

ఈ గ్రూపు త్వరలో సామాజిక కార్యక్రమాల్లో కూడా పాల్గొంటుందని.. అవసరమైనప్పుడు తమ తోటి కళాకారులకు సహాయం చేయడానికి కూడా ప్రయత్నిస్తుందని ఈ గ్రూపు సభ్యులు అంటున్నారు. ప్రతీ నెల అందరూ కలిసి పార్టీ చేసుకొని.. కష్ట సుఖాలు చెప్పుకోవడానికి... అలాగే ఎంజాయ్ చేయడానికే ఈ ‘ఫ్లైయింగ్‌ కలర్స్‌’ అనే కాన్సెప్ట్‌తో తాము ముందుకు వచ్చామని ఈ హాస్య నటులందరూ కూడా అంటున్నారు. అయితే ఈ హాస్యనటుల్లో ఎక్కువమంది జబర్దస్త్ ప్రోగ్రామ్ ఆర్టిస్టులే ఉండడం గమనార్హం. 

ఈ గ్రూపు సభ్యులు తాజాగా ఓ పార్టీ చేసుకున్నారు. ఈ పార్టీ సందర్భంగా ఓ చక్కని థీమ్ కూడా ఎంచుకున్నారు. ఆ థీమ్ ప్రకారం గ్రూపు సభ్యులందరూ కూడా పొట్టి నిక్కర్లు ధరించి ఫోటోలకు ఫోజులిచ్చారు. నటుడు శ్రీనివాసరెడ్డి ఇటీవలే ఈ ఫోటోలను సోషల్ మీడియాలో పోస్టు చేశారు. ‘‘ఫ్లైయింగ్‌ కలర్స్‌’ మీటింగ్‌. సత్య పార్టీ ఇచ్చాడు. మేం రేపటి పౌరులం’ అని ఆయన ఓ మెసేజ్ కూడా పోస్టు చేశారు. 

Hi frndz #FlyingColours monthly meet, Hosted by Sathya రేపటిపౌరులం 😊 pic.twitter.com/1PYkkyFCAv

— Srinivasareddy (@Actorysr) August 12, 2018