2.0 సినిమా టీజర్ వచ్చేస్తుందోచ్..!!

తమిళ సూపర్ స్టార్ రజినీకాంత్, బాలీవుడ్ స్టార్ హీరో అక్షయ్ కుమార్ అభిమానులకి గుడ్ న్యూస్. ఈ ఇద్దరు ప్రధాన పాత్రల్లో తెరకెక్కిన 2.0 సినిమా టీజర్ రేపే ఆడియెన్స్ ముందుకు రానుంది. ప్రముఖ సినీ విమర్శకుడు శ్రీధర్ పిళ్లై చేసిన ఓ ట్వీట్ ప్రకారం రేపు మలేషియాలోని నచ్చితిర విఝ అనే హోటల్ వేదికగా నిర్మాతలు ఈ టీజర్ ని లాంచ్ చేయనున్నట్టు తెలుస్తోంది. 

 

#2PointO teaser to be released at the #NatchathiraVizha2018, Malaysia on Jan 6, says @Karthi_Offl . @superstarrajini will be there at the event

— Sreedhar Pillai (@sri50) January 3, 2018

ప్రముఖ దర్శకుడు శంకర్ డైరెక్ట్ చేసిన ఈ సైఫై మెగా బడ్జెట్ సినిమా కోసం దేశ వ్యాప్తంగా వున్న ఇరువురి అభిమానులు ఎప్పటి నుంచో వేచిచూస్తున్నారు. కేవలం రజినీకాంత్, అక్షయ్ కుమార్ లు నటిస్తున్నారు అనే కాకుండా దర్శకుడు శంకర్ కి కూడా సొంతంగా ఓ అభిమాన వర్గం వుంది. శంకర్ చిత్రాలు రిలీజ్ అవుతున్నాయంటే ఆ సినిమాపై ఫోకస్ చేసే వాళ్లు చాలామందే వున్నారు. శంకర్ గత ట్రాక్ రికార్డ్ అటువంటిది. 

2010లో శంకర్ డైరెక్ట్ చేసిన రోబో సినిమాకు సీక్వెల్ గా వస్తున్న ఈ సినిమాలో అక్షయ్ కుమార్ విలన్ పాత్రలో నటించగా.. అమీ జాక్సన్ సూపర్ స్టార్ సరసన ఫీమేల్ లీడ్ రోల్ పోషించింది. అక్షయ్ కుమార్ మొదటిసారిగా నటిస్తున్న కావడం.. అందులోనూ ఇందులో విలన్ పాత్ర చేస్తుండటం లాంటి పలు అంశాలు ఈ సినిమాకు మరో ప్లస్ పాయింట్ లాంటివి. మరి ఇన్ని విశేషాలు కలిగిన 2.0 సినిమా టీజర్ ఎలా వుండనుందో తెలియాలంటే రేపటివరకు వేచిచూడాల్సిందే.