Home> వినోదం
Advertisement

Salaar - Prabhas: తొలిసారి ఓటీటీలో ఆ భాషలో ప్రభాస్ సలార్ మూవీ.. కాలర్ ఎగరేస్తోన్న ఫ్యాన్స్..

Prabhas - Salaar: రెబల్ స్టార్ ప్రభాస్.. గతేడాది చివర్లో 'సలార్' మూవీతో పలకరించారు. ఈ మూవీతో ప్రభాస్.. పవర్‌ఫుల్ కమ్ బ్యాక్ ఇచ్చారు. ప్రశాంత్ నీల్ దర్శకత్వంలో ప్రభాస్ నటించిన ఈ మూవీ ప్రస్తుతం ఓటీటీలో స్ట్రీమింగ్ అవుతోంది. తాజాగా ఈ సినిమాకు సంబంధించి ఓటీటీలో తొలిసారి ఓ అంతర్జాతీయ భాషలో ఈ సినిమా స్ట్రీమింగ్ అవుతోంది.

Salaar - Prabhas: తొలిసారి ఓటీటీలో ఆ భాషలో ప్రభాస్ సలార్ మూవీ.. కాలర్ ఎగరేస్తోన్న ఫ్యాన్స్..

Prabhas - Salaar:రీసెంట్‌గా సలార్ మూవీతో పలకరించిన ప్రభాస్.. త్వరలోనే 'కల్కి 2898AD' మూవీతో పాటు 'రాజా సాబ్' మూవీలతో ప్రేక్షకుల ముందుకు రానున్నారు.  దాంతో పాటు సందీప్ రెడ్డి వంగాతో చేయనున్న 'స్పిరిట్‌' మూవీతో పాటు సలార్ 2 మూవీ ఉంది. ప్రభాస్ విషయానికొస్తే..  బాహుబలి సినిమాతో ఓవర్ నైట్ ప్యాన్ ఇండియా స్టార్ అయ్యాడు ప్రభాస్. బాహుబలి తర్వాత ఆ రేంజ్ సక్సెస్ లేని రెబల్ స్టార్.. లాస్ట్ ఇయర్ చివర్లో విడుదలైన 'సలార్' మూవీతో మళ్లీ బ్యాక్ బౌన్స్ అయ్యాడు. ఇప్పటికే ఓటీటీలో విడుదలైన మంచి రెస్పాన్స్ తెచ్చుకుంది.

ప్రశాంత్ నీల్ దర్శకత్వంలో కేజీఎఫ్ చిత్రాన్ని నిర్మించిన హోంబలే ఫిల్మ్స్ ఈ చిత్రాన్ని నిర్మించారు.పృథ్వీరాజ్ సుకుమారన్ మరో లీడ్ రోల్లో నటించారు. గతేడాది చివర్లో విడుదలైన ఈ చిత్రం మొదటి ఆట నుంచే మంచి టాక్‌తో బాక్సాఫీస్ దుమ్ము దులిపింది. ఇక కన్నడ,ఇతర భాషల్లో పెద్దగా పర్ఫామ్ చేయలేకపోయింది. అటు హిందీలో కూడా అనుకున్నంత టాక్‌కు తగ్గ వసూళ్లు రాబట్టడంలో విఫలం అయింది. దీంతో ఈ సినిమా పరుగు రూ. 700 కోట్ల వరకే పరిమితమైంది. ఈ మూవీ ప్రముఖ ఓటీటీ ఫ్లాట్‌ఫామ్ నెట్‌ఫ్లిక్స్‌లో స్ట్రీమింగ్ అవుతోంది. అక్కడ హిందీ, తెలుగు, కన్నడ, మలయాళం, తమిళం భాషలకు సంబంధించిన సలార్ మూవీ స్ట్రీమింగ్ అవుతోంది.

తాజాగా సలార్ మూవీ ఇంగ్లీష్ వెర్షన్ నెట్‌ఫ్లిక్స్‌లో స్ట్రీమింగ్ అవుతుంది. దీంతో ఈ మూవీ ఇంటర్నేషనల్ ఆడియన్స్‌కు మరింత చేరువ కానుంది. మరోవైపు 'సలార్' మూవీ స్పానిష్ భాషలో డబ్ చేసిన మార్చి 7 లాటిన్ అమెరికా దేశాల్లో విడుదల చేయబోతున్నట్టు ప్రకటించారు. మరోవైపు 'సలార్' మూవీని జపాన్‌ దేశంలో సమ్మర్‌లో విడుదల చేస్తున్నట్టు ప్రకటించారు.

సలార్ స్టోరీ విషయానికొస్తే.. ఇద్దరు ప్రాణ స్నేహితులు..శత్రువులుగా ఎలా మారారనే కథతో తెరకెక్కింది. ఇక సలార్ రెండో పార్ట్ పై భారీ అంచనాలే ఏర్పడ్డాయి. రెండో పార్ట్‌కు 'సలార్'.. పార్ట్ 2 శౌర్యాంగ పర్వం' అనే టైటిల్ ఖరారు చేసారు మేకర్స్. ఈ మూవీ త్వరలో సెట్స్ పైకి వెళ్లనుంది. ఈ మూవీ ఈ యేడాది సెప్టెంబర్‌లో సెట్స్ పైకి వెళ్లనున్న ఈ మూవీ వచ్చే 2025 దసరా కానుకగా విడుదల చేయాలనే ప్లాన్‌లో ఉన్నారు మేకర్స్. ఈ మూవీలో ప్రభాస్ సరసన శృతి హాసన్ హీరోయిన్‌గా నటించింది.

ఇక సలార్ మూవీ నైజాం (తెలంగాణ) గడ్డపై రూ. 100 కోట్ల గ్రాస్ వసూళ్లతో సంచలనం రేపింది. గతంలో బాహుబలి 2, ఆర్ఆర్ఆర్ సినిమాల తర్వాత మూడో సినిమాగా సలార్ చిత్రం రికార్డులకు ఎక్కింది. ఈ మూవీ హిందీ వెర్షన్ కలెక్షన్స్ విషయానికొస్తే.. షారుఖ్ హీరోగా నటించిన 'డంకీ' సినిమాతో పోటీ కారణంగా తక్కువ స్క్రీన్స్ దక్కాయి. అయినా.. అక్కడ కూడా మంచి వసూళ్లనే సాధించింది. అక్కడ ఈ మూవీ ఓవరాల్‌గా రూ. 150 కోట్ల నెట్ వసూళ్లతో దుమ్ము దులిపింది. ఓవరాల్‌గా రూ. 153.45 కోట్ల నెట్ వసూళ్లను సాధించినట్టు సమాచారం.

మొత్తంగా సినిమా హిందీలో రూ. 75 కోట్ల దాకా ప్రీ రిలీజ్ బిజినెస్ చేసింది. టోటల్ రన్ ముగిసే సమయానికి హిందీలో రూ. 76.50 కోట్ల రేంజ్‌లో షేర్ సొంతం చేసుకొని హిందీలో హిట్ స్టేటస్ అందుకుంది. ఇక రెస్ట్ ఆఫ్ భారత్ కలిపి రూ. 78 కోట్ల బిజినెస్‌కు రన్ కంప్లీట్ అయ్యేవరకు రూ. 80.90 కోట్ల రేంజ్‌ను చేసుకొని సొంతం చేసుకొని పరుగును పూర్తి చేసుకుంది. ఓవరాల్‌గా ఈ మూవీ హిందీ సహా రెస్ట్ ఆఫ్ భారత్‌లో హిట్ అనిపించుకుంది.

Also read: AP Assembly Budget Session 2024: ఇవాళ్టి నుంచి అసెంబ్లీ బడ్జెట్ సమావేశాలు, ఎన్నిరోజులంటే

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     

Android Link - https://play.google.com/store/apps/details?id=com.indiadotcom.zeetelugu     

Apple Link - https://apps.apple.com/in/app/zee-telugu-news/id1633190712

మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook

Read More