Adipurush Jai Shri Ram : అదిరిన ఆదిపురుష్‌ అప్డేట్.. జై శ్రీరామ్ నామమంత్రం.. లిరికల్ మోషన్ పోస్టర్ వైరల్

Jai Shri Ram Lyrical Motion Poster యంగ్‌ రెబల్‌ స్టార్ ప్రభాస్‌ హీరోగా ఓమ్ రౌత్‌ దర్శకత్వంలో రూపొందిన హిందీ, తెలుగు సినిమా 'ఆదిపురుష్‌' జూన్‌ 16న ప్రేక్షకుల ముందుకు రాబోతున్నట్లుగా మేకర్స్ ప్రకటించిన విషయం తెల్సిందే. ఇన్ని రోజులుగా ఆదిపురుష్ సినిమా మళ్లీ వాయిదా పడుతుందేమో అని ప్రభాస్ అభిమానులతో పాటు ప్రతి ఒక్కరు అనుకున్నారు. ఎట్టిపరిస్థితుల్లో జూన్ లో సినిమాను విడుదల చేస్తాం అన్నట్లుగా మేకర్స్ ప్రమోషన్ కార్యక్రమాలు షురూ చేశారు.

ఆదిపురుష్‌ ను పాన్ ఇండియా రేంజ్ లో ప్రమోట్‌ చేస్తున్నారు. నేడు సినిమా నుండి జై శ్రీరామ్.. అనే బిట్‌ సాంగ్ ను విడుదల చేసి అభిమానులను ప్రేక్షకులను మేకర్స్ సర్ ప్రైజ్ చేశారు. ప్రభాస్‌ అభిమానులతో పాటు ఇండియన్ సినీ ప్రేక్షకులందరిని కూడా ఈ సినిమా కచ్చితంగా సర్ ప్రైజ్ చేయడం ఖాయం అన్నట్లుగా మేకర్స్ చాలా నమ్మకంతో మొదటి నుండి చెబుతూ వస్తున్నారు. అయితే చిత్ర యూనిట్‌ సభ్యులు ఆ మధ్య విడుదల చేసిన టీజర్‌ తో సినిమాపై విమర్శలు వ్యక్తం అయ్యాయి. ముఖ్యంగా సినిమా లోని గ్రాఫిక్స్ మరీ నాసిరకంగా ఉన్నాయి అంటూ ట్రోల్స్ వచ్చాయి. చిన్న పిల్లల కోసం తీసిన టీవీ సిరీస్ గ్రాఫిక్స్ ఉన్నట్లుగా సినిమా గ్రాఫిక్స్ ఉన్నాయి అనే విమర్శలు వచ్చాయి.

 

ఆ విమర్శల నేపథ్యంలో గ్రాఫిక్స్ కోసం మరింత సమయం తీసుకుని విజువల్ వండర్ గా ఈ సినిమాను రూపొందించినట్లుగా మేకర్స్ చెబుతున్నారు. ఇక ఈ సినిమా యొక్క మొదటి పాట చిన్నదే అయినా కూడా ప్రతి ఒక్కరిని అలరిస్తుంది. హరిరామ జోగయ్య శాస్త్రి సాహిత్యాన్ని అందించిన ఈ పాటకు అజయ్‌ - అతుల్‌ లు సంగీతాన్ని అందించారు. ఈ పాటకు ప్రతి ఒక్కరి రోమాలు నిక్కబొడుచుకుంటున్నాయి అనడంలో సందేహం లేదు. ఆదిపురుష్ లోని సంగీతం సాహిత్యం అద్బుతంగా ఉంటుంది అనేందుకు ఇది చిన్న ఉదాహరణ మాత్రమే అంటూ మేకర్స్ ఈ పాటను వదిలినట్లుగా ఉన్నారు.

Also Read:  Malli Pelli Teaser : మళ్లీ పెళ్లి టీజర్.. నరేష్-రమ్య రఘుపతి-పవిత్రల కథే సినిమానా?.. హోటల్ సీన్ కేక

రాముడి పాత్రలో ప్రభాస్ నటించగా సీత పాత్రను బాలీవుడ్‌ హీరోయిన్‌ కృతి సనన్ పోషించిన విషయం తెల్సిందే. ఇక రావణాసురుడి పాత్రను బాలీవుడ్‌ స్టార్‌ నటుడు సైఫ్ అలీ ఖాన్ పోషించాడు. మొత్తానికి ఈ సినిమా లోని ప్రతి ఒక్క పాత్ర కూడా ప్రముఖ నటీ నటులతో చేయించారట. ఇన్నాళ్లు చూసిన రామాయణ ఇతివృత్తం సినిమాలతో పోల్చితే ఇది పూర్తి విభిన్నంగా.. విరుద్దంగా ఉంటుంది అంటున్నారు. పాన్ వరల్డ్‌ రేంజ్‌ లో జూన్‌ 16వ తేదీన ఈ సినిమా రాబోతుంది.. వెయ్యి కోట్లకు పైగా వసూళ్లు సొంతం చేసుకుని ప్రభాస్ స్టామినా మరింత పెంచుతుందని అభిమానులు నమ్మకంతో ఉన్నారు.

Also Read: Asha Negi Photos : బెడ్డుపై నగ్నంగా బుల్లితెర నటి.. ఆశలు రేపేలా ఆశా నేగి పోజులు.. పిక్స్ వైరల్

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.

ఆండ్రాయిడ్ లింక్ -  https://bit.ly/3P3R74U

ఆపిల్ లింక్ -  https://apple.co/3loQYe

మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook