)
Nani joined ‘Tuck Jagadish’ Movie shooting: టాలీవుడ్ నేచుర‌ల్ స్టార్ నాని ( Nani ), సుధీర్ బాబు నటించిన సినిమా ‘వీ’ గత నెలలో ఓటీటీ వేదికగా విడుదలైన సంగతి తెలిసిందే. ఈ క్రమంలో కరోనా కారణంగా నిలిచిపోయిన నాని 26వ సినిమా ‘టక్ జగదీష్’ ( Tuck Jagadish ) షూటింగ్ మళ్లీ ప్రారంభమైంది. అయితే వీ సినిమా చేస్తున్నప్పుడే ఈ సినిమా షూటింగ్ సెట్స్‌పై ఉంది. దాదాపు 30-40శాతం పూర్తయిన టక్ జగదీష్ సినిమా షూటింగ్ కాస్త కరోనా లాక్డౌన్ కారణంగా సుమారు 7నెలలపాటు నిలిచిపోయింది. ఈ క్రమంలో మూడు రోజుల క్రితం ఈ సినిమా షూటింగ్‌ను మళ్లీ ప్రారంభించింది చిత్ర యూనిట్. అయితే నాని కూడా టక్.. వేసుకోని మరి సినిమా షూటింగ్‌లో జాయిన్ అయ్యాడు.
Jagadish joins
Tuck begins 🎥 #TuckJagadish pic.twitter.com/3QezrZsNfH— Nani (@NameisNani) October 7, 2020
టక్ వేసుకోని చేతిలో మాస్క్ పట్లుకున్న ఫొటోను నాని ట్విట్టర్ వేదికగా పంచుకున్నాడు. అంతేకాకుండా ‘జగదీశ్ షూటింగ్‌లో చేరాడు.. టక్ ప్రారంభమైంది’.. అంటూ క్యాప్షన్ కూడా రాశాడు. దీంతో అప్పటినుంచి ఈ ఫొటో సినిమా అంచనాలను మరింత పెంచుతూ.. సోషల్ మీడియాలో తెగ హల్‌చల్ చేస్తోంది. చాలారోజుల తర్వాత నాని సినిమా టక్ జగదీష్ షూటింగ్ ప్రారంభం కావడంతో అభిమానులు సంతోషం వ్యక్తంచేస్తున్నారు. Also read: Indian Air Force Day 2020: ఎల్లప్పుడూ సిద్ధంగా ఉంటాం: ఐఏఎఫ్ చీఫ్ భ‌దౌరియా
నాని న‌టిస్తున్న ఈ టక్ జగదీష్ సినిమాను నిన్నుకోరి ఫేం శివ నిర్వాణ (Shiva Nirvana) ద‌ర్శ‌క‌త్వం వహిస్తున్నారు. అయితే ఈ చిత్రాన్ని సాహు గార‌పాటి, హ‌రీశ్ పెద్ది సంయుక్తంగా నిర్మిస్తుండగా.. రీతూ వ‌ర్మ (Ritu Varma), ఐశ్వ‌ర్య రాజేశ్ (Aishwarya Rajesh) హీరోయిన్లుగా న‌టిస్తున్నారు. నాని-శివ నిర్వాణ కాంబినేష‌న్‌లో అంతకుముందు వ‌చ్చిన నిన్నుకోరి, మజ్ను సినిమాలు బాక్సాపీస్ వ‌ద్ద మంచి క‌లెక్ష‌న్లు వ‌సూలు చేసిన సంగతి తెలిసిందే. అయితే మ‌రోసారి ఈ క్రేజీ కాంబినేష‌న్‌లో వ‌స్తున్న ఈ టక్ జగదీష్ చిత్రంపై అభిమానుల్లో భారీ అంచ‌నాలు ఉన్నాయి. Also read: IndiGo విమానంలో పండంటి బిడ్డకు జన్మనిచ్చిన మహిళ
స్థానికం నుంచి అంతర్జాతీయం వరకు.. విద్య, వినోదం, రాజకీయాలు, క్రీడలు, హెల్త్, లైఫ్‌స్టైల్, సామాజికం, ఉపాధి.. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
Newsletter
