Vida Scooter Price Cut 2023: శుభవార్త చెప్పిన హీరో మోటోకార్ప్‌.. తగ్గిన విడా స్కూటర్ల ధరలు! ఏకంగా 25 వేలు

Hero MotoCorp cuts price of Vida V1, Vida V1 Plus and Vida V1 Pro: ప్రముఖ ద్విచక్ర వాహన సంస్థ 'హీరో మోటోకార్ప్‌' శుభవార్త చెప్పింది. విడా స్కూటర్ల ధరలను తగ్గించింది. విడా స్కూటర్ల ధరలను రూ. 20 వేల వరకు తగ్గిస్తున్నట్లు హీరో మోటోకార్ప్‌ బుధవారం ఓ ప్రకటనలో వెల్లడించింది. దాంతో విడా వి1 ప్లస్‌ (Vida V1 Plus) ధర రూ.1,19,900లుగా ఉండగా, విడా వి1 ప్రో (Vida V1 Pro) స్కూటర్‌ ధర రూ.1,39,900 (ఎక్స్‌-షోరూమ్‌)గా ఉంది. పోర్టబుల్‌ ఛార్జర్‌, ఫేమ్‌-2 రాయితీతో కలిపి ఈ కొత్త ధరలు అమల్లో ఉంటాయని కంపెనీ తెలిపింది. 

దేశంలోని పలు రాష్ట్ర ప్రభుత్వాలు అందించే రాయితీల ఆధారంగా విడా స్కూటర్ల ధరల్లో మార్పులు ఉంటాయని హీరో మోటోకార్ప్‌ కంపెనీ వెల్లడించింది. 2022 అక్టోబరులో విడా వి1 స్కూటర్లను హీరో మోటోకార్ప్‌ పరిచయం చేసిన విషయం తెలిసిందే. 2022 డిసెంబరు నుంచే ఈ స్కూటర్ల డెలివరీలు ప్రారంభం అయ్యాయి. ఇప్పటికే హైదరాబాద్‌, పుణె, అహ్మదాబాద్‌, నాగ్‌పుర్‌, నాసిక్‌, చెన్నై, కాలికట్‌, కోచి వంటి 8 నగరాల్లో స్కూటర్ల విస్తరణ ప్రణాళికను కంపెనీ ప్రారంభించింది. 2023లో మొత్తంగా 100 నగరాలకు విస్తరిస్తామని హీరో మోటోకార్ప్‌ హెడ్‌-ఎమర్జింగ్‌ మొబిలిటీ బిజినెస్‌ యూనిట్‌ స్వదేశ్‌ శ్రీవాత్సవ తెలిపారు. బెంగళూరు, జయపుర, ఢిల్లీలోని 50 ప్రాంతాల్లో సుమారు 300 ఛార్జింగ్‌ పాయింట్లు కూడా ఉన్నట్లు ఆయన పేర్కొన్నారు.

విడా వి1 ఎలక్ట్రిక్ స్కూటర్ ధరను హీరో మోటోకార్ప్ రూ. 25,000 తగ్గించింది. దీనితో బేస్ ధర రూ. 1.20 లక్షలకు పడిపోయింది. అయితే విడా వి1 ప్రో ధర రూ. 1.40 లక్షలు (FAME II సబ్సిడీతో సహా ఎక్స్-షోరూమ్ ధర)గా ఉంది. వి1 ఎలక్ట్రిక్ స్కూటర్ మంచి బ్యాటరీలతో వస్తుంది. వి1 ప్రో 165 కిమీ పరిధిని కలిగి ఉంటుంది. అయితే వి1 ప్లస్ ఒక్కసారి ఛార్జ్ చేస్తే.. 143 కిమీ రేంజ్ ఇస్తుంది. రెండు వేరియంట్లను నిమిషానికి 1.2 కిమీ చొప్పున ఛార్జ్ చేయవచ్చు. హీరో ప్రకారం వి1 ప్రో మరియు వి1 ప్లస్ వరుసగా 3.2 సెకన్లు మరియు 3.4 సెకన్లలో 0-40 km/h నుండి వేగాన్ని అందుకోగలవు. రెండు వేరియంట్లు గరిష్ట వేగం గంటకు 80 కిమీ.

విడా వి1 ముందువైపు LED హెడ్‌ల్యాంప్ మరియు 7-అంగుళాల టచ్‌స్క్రీన్‌తో డ్యూయల్-టోన్ బాడీవర్క్‌ను కలిగి ఉంది. ఇది కీలెస్ కంట్రోల్, క్రూయిజ్ కంట్రోల్, SOS అలర్ట్, టూ-వే థొరెటల్ మరియు మూడు రైడింగ్ మోడ్‌లు (ఎకో, రైడ్ మరియు స్పోర్ట్స్) వంటి ఫీచర్లు కూడా ఇందులో ఉంటాయి. ప్రస్తుతం విడా వి1 ఇ-స్కూటర్ ఢిల్లీ, జైపూర్ మరియు బెంగళూరులలో అందుబాటులో ఉంది. విడా వి1 ప్రో పెద్ద 3.94kWh బ్యాటరీని పొందుతుంది. ఇది 165km పరిధికి అందిస్తుంది.

Also Read: Flipkart Realme C30 Offers: ఫ్లిప్‌కార్ట్‌లో బంపర్ ఆఫర్.. రూ. 549కే రియల్‌మీ సూపర్ స్మార్ట్‌ఫోన్!   

Also Read: Best Smartphones Under 25000: 25 వేల లోపు బెస్ట్ స్మార్ట్‌ఫోన్స్ ఇవే.. డిజైన్, లుకింగ్ సూపర్!  

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.

ఆండ్రాయిడ్ లింక్ -  https://bit.ly/3P3R74U

ఆపిల్ లింక్ -  https://apple.co/3loQYe

Twitter, Facebook మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.