7 பேர் விடுதலை; சுமுகமான முடிவெடுப்பார் ஆளுநர் -ஜெயக்குமார்!

ராஜீவ் காந்தி கொலை வழக்கில் குற்றம் சாட்டப்பட்ட 7 பேரின் விடுதலை குறித்து தமிழக ஆளுநர் சுமுகமான முடிவு எடுப்பார் என அமைச்சர் ஜெயக்குமார் தெரிவித்துள்ளார்!

மறைந்த பிரதமர் ராஜீவ்காந்தி கொலை வழக்கில் கைதான பேரறிவாளன், நளினி உட்பட 7 பேர் சிறையில் கடந்த 25 ஆண்டுகளாக உள்ளனர். அவர்களை விடுதலை செய்வது தொடர்பான வழக்கில், தமிழக அரசே முடிவு செய்யலாம் என உச்சநீதிமன்றம் சமீபத்தில் தெரிவித்துள்ளது. 

இதைத்தொடர்ந்து கடந்த செப்டம்பர் 9-ஆம் நாள் முதல்வர் எடப்பாடி பழனிசாமி தலைமையில் சென்னை தலைமை செயலகத்தில் தமிழக அமைச்சரவை கூட்டம் நடைப்பெற்றது. இக்கூட்டத்தில் ராஜிவ் காந்தி கொலை வழக்கில் சிறை தன்டனை அனுபவித்து வரும் பேரறிவாளன் உள்பட 7 பேரையும் விடுவிக்க தமிழக ஆளுநருக்கு இன்றே பரிந்துரை செய்யப்படும் என முடிவெடுக்கப்பட்டது. 

இந்த முடிவின்படி ராஜிவ் காந்தி கொலை வழக்கில் சிறை தன்டனை அனுபவித்து வரும் பேரறிவாளன் உள்பட 7 பேரையும் விடுவிக்க தமிழக ஆளுநருக்கு பரிந்துரை கடிதம் அனுப்பப்பட்டது. எனினும் இதுவரையிலும் தமிழக ஆளுநர் அமைதி காத்து வருகின்றார். எனவே பேரறிவாளன் உள்ளிட்ட 7 பேரின் விடுதலைகுறித்து தமிழக மக்களிடன் குழப்பம் நிலவி வருகின்றது.

Tamil Nadu Governor has to accept the recommendations made by state cabinet on the release of all 7 convicts of Rajiv Gandhi assassination case. We hope the Governor will take a good decision in this regard as it is the aspirations of Tamil people: Tamil Nadu Minister D Jayakumar pic.twitter.com/0dDCEiHoxo

— ANI (@ANI) September 15, 2018

இந்நிலையில் இன்று சென்னை மெரினா கடற்கரையில் செய்தியாளர்களிடன் பேசிய மீன்வளத்துறை அமைச்சர் ஜெயக்குமார் அவர்களிடன் ராஜீவ் கொலை வழக்கு குற்றவாளிகளின் விடுதலை குறித்து வினா எழுப்பப்பட்டது. இந்நிகழ்வின் போது "ராஜீவ் காந்தி கொலை வழக்கில் குற்றம் சாட்டப்பட்ட 7 பேரின் விடுதலை குறித்து தமிழக ஆளுநர் சுமுகமான முடிவு எடுப்பார்" என அமைச்சர் ஜெயக்குமார் அவர்கள் தெரிவித்துள்ளார்.