ஆர்.கே.நகர் தேர்தலுக்கு சுமார் 3 கோடி செலவு: தேர்தல் ஆணையம்!

ஆர்.கே.நகர் இடைத்தேர்தல் டிசம்பர் 21-ம் தேதி நடைபெறும் நிலையில் அனல் பறக்கும் தேர்தல் பிரச்சரம் இன்று மாலை 5 மணியுடன் முடிவடைகிறது. கடைசி நாளான இன்று அரசியல் கட்சிகள் தீவிர பிரட்சரத்தில் ஈடுபட்டு வருகின்றன. 

இதையடுத்து, ஆர்.கே.நகரில் பணப்பட்டுவாடாவை தடுக்க தேர்தல் ஆணையம் பல்வேறு நடவடிக்கைகளை எடுத்து வருகிறது.இந்நிலையில், ஆர்.கே.நகர் இடைத்தேர்தலுக்காக இதுவரை மட்டும் சுமார் 3 கோடி ரூபாய் வரை செலவாகியுள்ளதாக தேர்தல் ஆணையம் தெரிவித்துள்ளது. 

வழக்கமாக ஒரு இடைத்தேர்தல் நடத்துவதற்கு ரூ.75 லட்சம் வரை மட்டுமே செலவாகும் என கூறியுள்ள தேர்தல் ஆணையம், ஆர்.கே.நகர் இடைத்தேர்தலுக்கு தற்போது வரை மட்டும் ரூ.3 கோடி வரை செலவாகியுள்ளதாக கூறியுள்ளது.