ஆர்.கே.நகர் இடைத்தேர்தல்: தினகரனுக்கு நடிகர் விஷால் வாழ்த்து!

நேற்று நடந்த ஆர்.கே.நகர் தொகுதி இடைத்தேர்தலில் வெற்றி பெற்ற தினகரனுக்கு நடிகர் விஷால் அறிக்கை மூலம் வாழ்த்து தெரிவித்துள்ளார். அதில்,

அபார வெற்றி பெற்றிருக்கும் திரு தினகரன் அவர்களுக்கு எனது மனமார்ந்த வாழ்த்துகள். ஆர்கே நகர் தொகுதியை பொறுத்தவரை குடிநீர், சாக்கடை உள்ளிட்ட அடிப்படை வசதிகளும் மீனவர்களின் பிரச்னைகளும் இன்னும் பூர்த்தி செய்யப்படாமல் இருக்கின்றன.

மார்க்கெட்டில் குடிநீர் வசதியோ கழிவறை வசதியோ இல்லாமல் பெண்கள் அவதிப்படுகின்றனர். திரு. தினகரன் அவர்கள் இவற்றை எல்லாம் நிறைவேற்றுவார் என்று ஆர்கே நகர் மக்களுடன் சேர்ந்து நானும் நம்புகிறேன். இந்த மக்கள் பணிகளை நிறைவேற்ற திரு. தினகரன் அவர்களுக்கு நானும் உறுதுணையாக இருப்பேன். 

குக்கர் சின்னத்தில் வெற்றி பெற்ற திரு. தினகரன் அவர்கள் ஆர்கே நகர் அடித்தட்டு மக்களின் ஒவ்வொரு வீட்டிலும்  தினமும் அடுப்பு எரிந்து திருப்தியாக பெண்கள் குக்கரில் சமைப்பதை உறுதி செய்ய வேண்டும் என கூறியுள்ளார்.

 

My Hearty Congratulations & Best Wishes to Mr @TTVDhinakaran

Hoping that all the pressing issues of RK Nagar will be addressed by Mr TTV Dinakaran in the near future & such circumstances my full support is guaranteed for Mr TTV Dinakaran. God Bless !!@VishalKOfficial pic.twitter.com/xZj9yfNJIU

— Vishal (@VishalKOfficial) December 24, 2017