வைரலாகும் ஜெ., வீடியோ: மறுக்கும் அப்போலோ மருத்துவமனை!! எது உண்மை!!

முன்னாள் முதலமைச்சர் ஜெயலலிதா, உடல்நலக் குறைவு காரணமாக கடந்த 2016-ம் ஆண்டு செப்டம்பர் 22-ம் தேதி சென்னை, அப்போலோ மருத்துவமனையில் அனுமதிக்கப்பட்டார். 

75 நாட்கள் சிகிச்சை பெற்று ஜெயலலிதா சிகிச்சை பலனின்றி 2016-ம் ஆண்டு டிசம்பர் 5-ம் தேதி உயிரிழந்தார். அவரது மறைவுக்குப் பிறகு அவர் மரணம் குறித்து பல்வேறு சந்தேகங்கள் எழுப்பப்பட்டது. 

இதனைத் தொடர்ந்து ஜெயலலிதாவின் மரணம் குறித்து, தமிழக அரசு, ஓய்வு பெற்ற நீதிபதி ஆறுமுகசாமி தலைமையில் விசாரணை கமிஷன் அமைத்தது. இந்த விசாரணை கமிஷன் முன்பு டாக்டர்கள் உள்ளிட்ட பலர் ஆஜராகி விளக்கமளித்து வருகின்றனர். 

இந்நிலையில் இன்று சென்னை, அப்போலோ மருத்துவமனையில் சிகிச்சை பெற்று வந்த ஜெயலலிதாவின் வீடியோ ஒன்று டிடிவி தினகரன் ஆதரவாளர் வெற்றிவேல், சென்னை தலைமை செயலகத்தில் வெளியிட்டுள்ளார். வெளியிட்ட சில நொடிகளில் இந்த வீடியோ தீயாக பரவி வருகிறது.

 

#ஜெயலலிதா மருத்துவமனையில் #சிகிச்சை பெற்ற போது எடுக்கப்பட்ட #வீடியோ-வை #தினகரன் ஆதரவாளர் #வெற்றிவேல், #சென்னை தலைமை செயலகத்தில் இன்று வெளியிட்டுள்ளார் #jayalalithaa #jayalalithaadeath #Apollo #AIADMK #TTVDinakaran pic.twitter.com/THnwC3Taxf

— Zee News Tamil (@ZeeNewsTamil) December 20, 2017

 

ஆர்.கே.நகர் இடைத்தேர்தல் நாளை நடைபெற உள்ள நிலையில், மருத்துவமனையில் சிகிச்சை பெற்று வந்த ஜெயலலிதாவின் வீடியோ வெளியிட்டுள்ளது தற்போது பெரும் பரபரப்பை ஏற்படுத்தி உள்ளது.

இந்நிலையில், ஜெயலலிதா பழச்சாறு அருந்தும் வீடியோ வெளியிடப்பட்டுள்ளதற்கு அப்போலோ மருத்துவமனை நிர்வாகம் மறுப்பு தெரிவித்துள்ளது. ஜெயலலிதா ஜூஸ் அருந்தும் வீடியோ, அப்போலோ மருத்துவமனையில் எடுக்கப்பட்டது அல்ல என்று மறுப்பு தெரிவித்துள்ளது.