பேட்மிண்டனில் சாதனை! இந்தோனேஷிய ஓபன் கோப்பை வென்ற ரங்கிரெட்டி சிராக் ஜோடி

புதுடெல்லி: இந்திய பேட்மிண்டன் வீரர்கள் சாத்விக் சாய்ராஜ் ரங்கிரெட்டி மற்றும் சிராக் ஷெட்டி புதிய வரலாறு படைத்தனர். BWF சூப்பர் 1000 நிகழ்வை வென்ற முதல் இந்திய ஜோடி என்ற பெருமையை சாத்விக் சாய்ராஜ் ரங்கிரெட்டி - சிராக் ஷெட்டி இரட்டையர்கள் ஏற்படுத்தினார்கள். இந்தோனேசியா ஓபன் 2023 ஆடவர் இரட்டையர் பிரிவில் விளையாடிய இந்திய ஜோடி, மலேசியாவின் ஆரோன் சியா மற்றும் சோ வூய் யிக் ஜோடியை வீழ்த்தி பட்டத்தை வென்றது.

இந்தோனேசியா ஓபன் 2023 ஆடவர் இரட்டையர் பட்டத்தை சாத்விக்சாய்ராஜ்-சிராக் வென்றனர்
இந்தோனேசியா ஓபன் 2023 பேட்மிண்டன் ஆடவர் இரட்டையர் பிரிவில் ஞாயிற்றுக்கிழமை நடந்த மோதலில், மலேசியாவின் ஆரோன் சியா மற்றும் சோ வூய் யிக்கை தோற்கடித்தனர்.

@badmintonphoto @himantabiswa | @sanjay091968 | @lakhaniarun1 #IndonesiaOpen2023#IndonesiaOpenSuper1000#BWFWorldTour #IndiaontheRise#Badminton pic.twitter.com/dbcWJstfVk

June 18, 2023

இதன் மூலம், BWF சூப்பர் 1000 போட்டியை வென்ற முதல் இந்திய ஜோடி என்ற பெருமையை சாத்விக் சாய்ராஜ் ரங்கிரெட்டி மற்றும் சிராக் ஷெட்டி பெற்றனர். ஒன்பதாவது போட்டியில் மலேசிய ஜோடிக்கு எதிராக அவர்கள் பெற்ற முதல் வெற்றி இதுவாகும்.

மேலும் படிக்க | Ashes 2023: இந்தியாவை வீழ்த்திய ஆஸ்திரேலிய கிரிக்கெட் அணி மீண்டும் ஆஷஸ் தொடரை கைப்பற்றுமா?

உலக சாம்பியனான மலேசியாவின் ஆரோன் சியா மற்றும் சோ வூய் யிக் ஆகியோருக்கு எதிராக ஞாயிற்றுக்கிழமை இந்தோனேசியா ஓபன் 2023 பட்டத்தை இந்திய நட்சத்திர ஷட்லர் ஜோடிகளான சாத்விக் சாய்ராஜ் ரங்கி ரெட்டி மற்றும் சிராக் ஷெட்டி ஆகியோர் தங்கள் முதல் வெற்றியைப் பெற்றனர்.

21-17 மற்றும் 21-18 என்ற கணக்கில் இரண்டு நேர் கேம்களில் பட்டத்தை வென்றனர். இதன் மூலம் உலகின் 3-வது இடத்தில் உள்ள மலேசிய ஜோடிக்கு எதிரான 9 ஆட்டங்களில் முதல் வெற்றியைப் பதிவு செய்தது. இந்திய ஜோடி மெதுவாகத் தொடங்கியது, ஆனால் தொடர்ந்து ஆறு புள்ளிகளை வென்று 9-7 என முன்னிலை பெற்று முதல் செட்டில் வெற்றி பெற்றனர்

இரண்டாவது செட்டில் இரு ஜோடிகளுமே ஆக்ரோஷமாக விளையாடி, 6-6 என சமநிலையில் இருந்தனர். ஆனால் சாத்விக் சாய்ராஜ் மற்றும் சிராக் ஆகியோரின் அற்புதமான ஷாட் தேர்வு மற்றும் துரிதமான நகர்வுகள், அவர்களை இரண்டாவது கேமில் முன்னிலை பெறச் செய்தது. 

மேலும் படிக்க | 2024 நாடாளுமன்ற தேர்தலில் போட்டியிடுவாரா அம்பதி ராயுடு? பரபரக்கும் அரசியல் களம்

இந்தோனேசியா ஓபனில் கிடைத்த வெற்றி, BWF உலக சுற்றுப்பயணத்தில் சிராக் ஷெட்டி மற்றும் சாத்விக் சாய்ராஜ் ரங்கிரெட்டிக்கு ஆறாவது பட்டமாகும். அவர்களின் கடைசி BWF பட்டம் மார்ச் மாதம் சுவிஸ் ஓபன் சூப்பர் 300 போட்டியில் கிடைத்தது. சிங்கப்பூர் ஓபன் 2023 இல், அவர்கள் கடைசிப் போட்டியில் தோல்வியடைந்தனர்.

இந்தோனேசியா ஓபன் 2023 இன் அரையிறுதியில் 17-21, 21-19, 21-18 என்ற செட் கணக்கில் தென் கொரிய ஜோடியான காங் மின் ஹியூக் மற்றும் சியோ சியுங் ஜேயை தோற்கடித்து, இந்திய ஜோடி இறுதிப் போட்டிக்கு வந்தார்கள்.

இந்திய ஜோடி முதல் ஆட்டத்தில் தோல்வியடைந்தது, ஆனால் அடுத்த இரண்டு கேம்களில் மீண்டும் எழுச்சி பெற்றது, இது போட்டியை மிகவும் விறுவிறுப்பானதாக மாற்றியது.

மேலும் படிக்க | மார்னஸ் லாபுசாக்னேவை கோல்டன் டக்கில் ஆட்டமிழக்கச் செய்த பிராட்! விக்கெட் எடுத்த ரகசியம்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ