கோலமாவு கோகிலா திரைப்படத்தில் இடம்பெறும் கல்யாண வயசு என்னும் முழு பாடல் இன்று வெளியாகியுள்ளது.
இயக்குனர் நெல்சன் இயக்கத்தில், நடிகை நயன்தாரா நடிப்பில் வெளியாக காத்திருக்கும் திரைப்படம் கோலமாவு கோகிலா. லேடி சூப்பர்ஸ்டார் நயன்தாரா நடித்த ‘நானும் ரெளடிதான், வேலைக்காரன் ஆகிய இரண்டு படங்களுக்கும் அனிருத் இசையமைத்தார். இரண்டுமே சூப்பர் டூப்பர் ஹிட் ஆனது. இதையடுத்து, நயன்தாரா நடிபில் உருவாகிவரும் ‘கோலமாவு கோகிலா’ படத்திற்கும் அனிருத் இசையமைத்து வருகிறார்.
முன்னதாக இப்படத்தில் இடம்பெறும் "எதுவரையோ" என்னும் பாடலினை படக்குழுவினர் வெளியிட்டனர். பின்னர் இப்படத்தின் இரண்டவாது பாடலான "கல்யாண வயசு" எனும் பாடலினை வரும் மே 17-ஆம் நாள் படக்குழுவினர் வெளியிடவுள்ளதாக அறிவித்தனர். மேலும் இப்பாடலை எழுதியது நடிகர் சிவகார்த்திகேயன் என்னும் தகவல்கள் இணையத்தில் வைரலானதை அடுத்து அதனை உறுதி செய்யும் வகையில் இசையமைப்பாளர் அனிரூத் தனது டிவிட்டர் பக்கத்தின் வாயிலாக சிவகார்த்திகேயன் பாடல் எழுதம் காட்சியையும் வெளியிட்டு இருந்தார்.
மேலும் இப்பாடலின் டீசர் கடந்த May 14, 2018 அன்று அனிரூத் தனது டிவிட்டர் பக்கத்தில் பகிர்ந்திருந்தார். இந்த டீஸரில் நயன்தாராவிடம், யோகி பாபு தனது காதலை தெரிவிப்பது போல் காட்சிப்படுத்தப்பட்டிருந்தது. அந்த வீடியோ இணையத்தில் பெரும் வைரலானது.
இந்நிலையில் தற்போது கோலமாவு கோகிலா திரைப்படத்தில் இடம்பெறும் கல்யாண வயசு என்னும் பாடலை YouTube-ல் படக்குழு வெளியிட்டுள்ளது.
Good morning! Presenting our#KalyaanaVayasu video song - https://t.co/ryZJtcDCHU
— Anirudh Ravichander (@anirudhofficial) May 17, 2018
Hope you have a fun ride :) #KolamaavuKokila second single
A @sivakartikeyan lyrical#Nayanthara #YogiBabu @Nelson_director @LycaProductions @zeemusicsouth