OTT Release: பிப்ரவரி மாதம் ஓடிடி-யில் வெளியாகும் படங்கள், பட்டியல் இதோ

பிளாக் பேந்தர்: வகண்டா ஃபாரெவர் டிஸ்னி பிளஸ் ஹாட்ஸ்டாரில் பிப்ரவரி 1 ஆம் தேதி வெளியானது. மன்னன் டி'சல்லாவின் மரணத்தை அடுத்து, உலக வல்லரசுகளின் தலையீட்டிலிருந்து தங்கள் இருப்பிடத்தைக் காக்க வக்கண்டான்களின் போராட்டம்தான் படத்தின் கதையாக உள்ளது. 

கோவை சரளா நடிப்பில் அதிக எதிர்பார்ப்புகளை ஏற்படுத்தியுள்ள செம்பி படம் இன்று டிஸ்னி பிளஸ் ஹாட்ஸ்டாரில் வெளியாகிறது. 10 வயதான செம்பி மற்றும் அவரது பாட்டி வீரத்தாயியின் வாழ்க்கையை காட்டும் படமாக இது எடுக்கப்பட்டுள்ளது.

அஜித்தின் துணிவு திரைப்படம் வெளியாகி 25 நாட்களை கடந்த நிலையில் தற்போது இந்த படத்தின் ஓடிடி ரிலீஸ் தேதி குறித்த அறிவிப்பு வெளியாகி உள்ளது. ஓடிடி தளமான நெட்பிளிக்சில் இப்படம் வரும் 8-ம் தேதி வெளியாக உள்ளதாக அறிவிக்கப்பட்டுள்ளது. 

விஜயின் சூப்பர் ஹிட் படமான வாரிசு ஓடிடி தளங்களில் இம்மாதம் 22 ஆம்  தேதி வெளியிடப்படும் என தெரிவிக்கப்பட்டுள்ளது. முன்னர் வாரிசு மற்றும் துணிவு ஆகிய இரு படங்களும் பிப்ரவரி 10 ஆம் தேதி ஓடிடி-யில் வெளியாகும் என கூறப்பட்டது.

ஷாஹித் கபூர் மற்றும் விஜய் சேதுபதி நடித்துள்ள ஃபர்ஸி வெப் சீரிஸ் பிப்ரவரி 10 ஆம் தேதி அமேசான் பிரைமில் வெளியாகிறது. இது ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.