அஜித்தின் விடாமுயற்சியில் இருந்து த்ரிஷா வெளியேற்றம்? ஏன் தெரியுமா?

இந்த ஆண்டின் தொடக்கத்தில் வெளியான 'துணிவு' படத்திற்கு பிறகு அஜித் நடிக்கும் விடாமுயற்சி படத்தின் படப்பிடிப்பு ஆகஸ்ட் மூன்றாவது வாரத்தில் தொடங்க உள்ளது. 

பல காலதாமதங்களை சந்தித்த இந்த படம் ஒருவழியாக படப்பிடிப்பிற்கு தயாராக உள்ளது. அஜித்தின் 62வது படமான விடாமுயற்சியை மகிழ் திருமேனி இயக்குகிறார், அனிருத் இசையமைக்கிறார் மற்றும் லைகா புரொடக்ஷன்ஸ் பிரமாண்டமாக தயாரிக்கிறது.

முன்னதாக ‘விடாமுயற்சி’ படத்தில் நாயகியாக நடிக்க த்ரிஷா கிருஷ்ணனை அணுகியதாகவும், அதற்கான பேச்சுவார்த்தை நடந்து வருவதாகவும் தகவல்கள் வெளியாகின. ஆனால் தற்போது அந்த கதாபாத்திரத்தில் நடிக்க தமன்னாவிடம் படக்குழு பேச்சுவார்த்தை நடத்தி வருவதாக கூறப்படுகிறது. 

சூப்பர்ஸ்டார் ரஜினிகாந்தின் 'ஜெயிலர்' படத்தின் 'காவாலா' பாடல் இணையத்தில் ட்ரெண்டிங்கில் உள்ளது. பாடலுடன் சேர்ந்து தமன்னாவும் டிரெண்டிங்கில் உள்ளார்.

விடாமுயற்சி படத்தில் தமன்னா இணைந்தால் 9 ஆண்டுகளுக்குப் பிறகு அஜித்துடன் சேர்ந்து நடிக்க உள்ளார்.