ஸ்ரீகாந்த் தேவா இசையில் கட்டில் படத்தின் முதல் சிங்கிள் வெளியானது!

பாடகர் சித்ஸ்ரீராம் குரலில் ஸ்ரீகாந்த் தேவா இசையில் கவிஞர் வைரமுத்து எழுதிய கோயிலிலே எனத்தொடங்கும் கட்டில் திரைப்படத்தின் பாடல் நேற்று ஜனவரி 3-ஆம் தேதி வெளியானது.  

இ.வி. கணேஷ்பாபு இயக்கி நடித்துள்ள இந்த படத்தில் கோயிலிலே பாடலை தமிழ், தெலுங்கு, கன்னடம், மலையாளம் ஆகிய 4 மொழிகளிலும் சித்ஸ்ரீராம் பாடியுள்ளார்.

ஸ்ருஷ்டி டாங்கே கதாநாயகியாக நடித்துள்ள இத்திரைப்படம் விரைவில் திரையரங்குகளில் வெளியாகும் என படக்குழு அறிவித்துள்ளது.

நேற்று நடைபெற்ற கட்டில் பட விழாவில், தமிழக அரசின் செய்தி மற்றும் விளம்பரத்துறை அமைச்சர் திரு எம்.பி.சாமிநாதன், தேனிசை தென்றல் தேவா ஆகியோர் கலந்து கொண்டனர்.