சந்தேகங்களை தீர்க்க உதவும் வாட்ஸ்அப் நீல வட்டம்! மெட்டா ஏஐ அறிவு ஒளிவட்டம்!

வாட்ஸ்அப் சமீபத்தில் வட்ட வடிவிலான நீலவட்டம் என்ற புதிய அம்சத்தை சேர்த்தது. இது ஒரு பெரிய மாற்றமாகும், புதிய வழிகளில் WhatsApp ஐப் பயன்படுத்த அனுமதிக்கும் இந்த நீலவட்ட அம்சத்தை வாட்ஸ்அப்பின் தாய் நிறுவனமான மெட்டா உருவாக்கியுள்ளது. இது பயனருக்கு உதவும் வகையில் உருவாக்கப்பட்டுள்ளது.

WhatsApp ஒரு உடனடி செய்தியிடல் தளமாகும், இது மில்லியன் கணக்கான மக்களால் பயன்படுத்தப்படுகிறது. இந்த தளம் உலகம் முழுவதும் மிகவும் பிரபலமானது. ஒவ்வொரு நாட்டிலும் இது பயனர்களைக் கொண்டிருப்பதில் இருந்து அதன் பிரபலத்தை அளவிட முடியும். மக்கள் தனிப்பட்ட மற்றும் தொழில்முறை நோக்கங்களுக்காக WhatsApp ஐப் பயன்படுத்துகின்றனர்.

நண்பர்கள் மற்றும் உறவினர்களுடன் அரட்டை அடிக்கவும், ஆடியோ-வீடியோ கோப்புகளைப் பகிரவும், ஆடியோ-வீடியோ அழைப்புகளைச் செய்யவும் WhatsApp பயன்படுத்தப்படுகிறது. மிகவும் பயனுள்ளதாக இருக்கும் இதுபோன்ற அம்சங்கள் அவ்வப்போது மேம்படுத்தப்படுகிறது. 

அந்த வரிசையில் வாட்ஸ்அப், தனது பயனர்களுக்காக Meta AI சாட்பாட் அம்சத்தை சேர்த்துள்ளது

என்பது செயற்கை நுண்ணறிவை அடிப்படையாகக் கொண்ட ஒரு சாட்போட் ஆகும். இது பயனர்களின் கேள்விகளுக்கு பதிலளிக்கும், தகவலை தேடவும், உரையாடல்களை நடத்தவும் உதவியாக இருக்கும்  வாட்ஸ்அப்பில், Meta AIஐ சாட்டாக சேர்க்கலாம். இதனால், பயனர்கள் எந்த நேரத்திலும் அதை அணுகலாம்

வாட்ஸ்அப்பின் இந்த ரிங் அம்சம் நீல வட்டம் போல் தெரிகிறது. முகப்புத் திரையில் உள்ள சாட் ஐகானுக்கு மேலே இது காணப்படும். அதைக் கிளிக் செய்தவுடன், ஒரு புதிய பக்கம் திறக்கும், அதில் உங்களுக்கு மிகவும் பிடித்த திரைப்படங்கள் அல்லது உங்களுக்கு அருகிலுள்ள சிறந்த உணவகங்கள் பற்றி Meta AIயிடம் கேட்டு தெரிந்துக் கொள்ளலாம்

WhatsApp இல் கிடைக்கும் Meta AI சாட்பாட் அம்சம் மிகவும் பயனுள்ள கருவியாகும். உங்களுக்குத் தேவையான தகவல்கள் எந்தத் துறை தொடர்பானதாக இருந்தாலும், அதனை தட்டச்சு செய்வதன் மூலமோ அல்லது மைக்ரோஃபோன் உதவியுடன் பேசுவதன் மூலமோ பெறலாம். சில நொடிகளில் அனைத்து விவரங்களையும் உங்களுக்கு வழங்கும் அம்சம் இது