ஒரு பைசா கூட செலவழிக்காமல் புதிய Tata Safari-ஐ வாங்கலாம்: SBI Yono அளிக்கும் அதிரடி offer

உங்கள் பாக்கெட்டிலிருந்து ஒரு பைசா கூட செலவழிக்காமலும் புதிய டாடா சஃபாரியை நீங்கள் வாங்கலாம். ஏனெனில், நாட்டின் மிகப்பெரிய வங்கியான ஸ்டேட் பாங்க் ஆப் இந்தியா புதிய டாடா சஃபாரிக்கு 100% நிதியுதவி செய்கிறது.

புதிய டாடா சஃபாரி முன்பதிவு செய்வது குறித்து SBI சிறப்பு சலுகையை வழங்குகிறது. இந்த சலுகையில், ஸ்டேட் பாங்க் ஆப் இந்தியா உங்களுக்கு 100% நிதி வசதியை வழங்குகிறது. இதனுடன், டாடா சஃபாரிக்கு தரும் நிதி உதவியில் SBI எந்தவொரு செயலாக்கக் கட்டணத்தையும் வசூலிக்காது.

SBI வழங்கும் இந்த சலுகையைப் பயன்படுத்த, SBI Yono செயலி மூலம் புதிய டாடா சஃபாரியை முன்பதிவு செய்ய வேண்டும். SBI-யின் படி, SBI Yono செயலி மூலம் டாடா சஃபாரியை முன்பதிவு செய்தால் வங்கியில் இருந்து 100% நிதி வழங்கப்படும்.

SBI Yono செயலி மூலம் புதிய டாடா சஃபாரியை முன்பதிவு செய்தால், வங்கி உங்களுக்கு 0.25 சதவீத வட்டி விகிதத்தையும் தள்ளுபடி செய்யும். இதனுடன் புதிய டாடா சஃபாரிக்கான நிதி உதவிக்கு SBI எந்தவொரு செயலாக்கக் கட்டணத்தையும் வசூலிக்காது.

டாடா மோட்டார்ஸ் புதிய டாடா சஃபாரி விலையை இதுவரை அறிவிக்கவில்லை. டாடா சஃபாரியின் விலைகள் பிப்ரவரி 22 அன்று அறிவிக்கப்படும் என்று எதிர்பார்க்கப்படுகிறது. ஆட்டோ வல்லுநர்கள் இதன் விலை சுமார் 18 முதல் 20 லட்சம் ரூபாய் வரை இருக்கும் என்று கூறுகிறார்கள்.

புதிய டாடா சஃபாரி எஸ்யூவி 6 மற்றும் 7 சீட்டர் இருக்கை ஆப்ஷன்களுடன் வரும். புதிய டாடா சஃபாரி 2.0 லிட்டர் கிரையோடெக் டீசல் எஞ்சின் கொண்டுள்ளது. இந்த எஞ்சின் 170 பிஎஸ் சக்தியையும் 350 என்எம் டார்க்கையும் பெறுகிறது. இந்த இயந்திரம் டாடா சஃபாரியில் 6-ஸ்பீட் மானுவல் அல்லது 6-ஸ்பீட் தானியங்கி கியர்பாக்ஸுடன் இணைக்கப்பட்டுள்ளது. இந்த எஸ்யூவி மணிக்கு 0-100 கிமீ வேகத்தை அடைய 12.73 வினாடிகள் ஆகும்.

புதிய டாடா சஃபாரி சிக்னேச்சர் ஸ்டைல் ஓக் பிரவுன் டூயல் டோன் டாஷ்போர்டைக் கொண்டுள்ளது. இது 8.8 அங்குல ஃப்ளோட்டிங் இன்போடெயின்மென்ட் சிஸ்டம், 7 இன்ச் இன்ஸ்ட்ரூமென்ட் பேனல், சக்திவாய்ந்த ஸ்பீக்கர்கள் மற்றும் பனோரமிக் சன்ரூஃப் போன்ற அம்சங்களையும் கொண்டுள்ளது.