நுழைவுத்தேர்வுகளுக்கான வடிவத்தை மாற்றிய NTA !புதிய தேர்வு தேதிககள் அறிவிப்பு!

யூஜிசி-நெட் தேர்வு ஜூன் 18-ஆம் தேதி நடைபெறுவதாக இருந்த ஒரு நாள் கழித்து ரத்து செய்யப்பட்ட நிலையில், தற்போது ஆகஸ்ட் 21-ஆம் தேதி முதல் செப்டம்பர் 4-ஆம் தேதி வரை நடைபெறவுள்ளது, இந்தத் தேர்வுகள் அனைத்தும் ஆன்லைனில் இருக்கும்.

சிஎஸ்ஐஆர்-யுஜிசி நெட் தேர்வு ஜூலை 25 முதல் ஜூலை 27 வரை நடைபெறும். முன்னதாக இந்த தேர்வு ஜூன் 25 முதல் ஜூன் 27 வரை நடத்தப்பட இருந்த நிலையில் ஒத்திவைக்கப்பட்டது. இது தவிர, என்சிஇடி தேர்வு ஜூலை 10ம் தேதி நடைபெறும். இந்த தேர்வும் ஜூன் 12ம் தேதி நடத்தப்பட்டாலும், பின்னர் ரத்து செய்யப்பட்டது.

கையால் எழுதும் வகையில் இதுவரை நடத்தப்பட்டு வந்த UGC நெட் தேர்வு, இப்போது கணினி அடிப்படையிலான தேர்வு (CBT) வடிவத்திற்கு மாறும்.

யுஜிசி நெட் தேர்வு பிஎச்டி சேர்க்கை, ஜூனியர் ரிசர்ச் பெல்லோஷிப் அதாவது ஜேஆர்எஃப் மற்றும் நாடு முழுவதும் உள்ள பல்கலைக்கழகங்களில் உதவிப் பேராசிரியர் பதவிக்கு நடத்தப்படுகிறது

ஜூன் 18ம் தேதி, யுஜிசி-நெட் தேர்வில் வினாத்தாள் கசிந்ததாக தகவல் வெளியானதையடுத்து, விசாரணை நடத்தப்பட்டு, மறுநாள் தேர்வை ரத்து செய்தது கல்வித்துறை அமைச்சகம்

NCET தேர்வு ஜூன் 12 அன்று நடைபெற்றது, ஆனால் மாலையில் ரத்து செய்யப்பட்டது. இந்த தேர்வை 29,000 மாணவர்கள் ஆன்லைன் முறையில் எழுதினர். சில மையங்களில் ஒன்றரை மணி நேரம் மாணவர்கள் உள்நுழைய முடியவில்லை என்று காரணம் கூறப்பட்டது.

யுஜிசி நெட் ஜூன் 18ஆம் தேதி நடத்தப்பட்டு ஜூன் 19ஆம் தேதி ரத்து செய்யப்பட்டது. 9,08,580 மாணவர்கள் தேர்வெழுதினர். ரத்து செய்யப்பட்டதற்கான காரணம் வினாத்தாள் கசிவு என்று கருதப்படுகிறது.

CSIR-UGC NET தேர்வு ஜூன் 25 முதல் 27 வரை நடைபெற இருந்தது, ஆனால்அதுவும் ஒத்திவைக்கப்பட்டது.