ஆதிக்கத்தை தொடர குஜராத் குறிவைக்கும் முக்கிய வீரர்கள் இவர்கள்தான்...!

குஜராத் டைட்டன்ஸ் (Gujarat Titans) கடந்த 2022 மற்றும் 2023 ஆகிய இரண்டு ஐபிஎல் சீசன்களில் விளையாடி உள்ளது. இதில், 2022ஆம் ஆண்டில் குஜராத் டைட்டன்ஸ் சாம்பியன் பட்டத்தை வென்றது. 2023ஆம் ஆண்டில் அந்த அணி இறுதிப்போட்டி வரை வந்தது. 

தற்போது ஹர்திக் பாண்டியா (Hardik Pandya) மும்பை அணிக்கு டிரேட் ஆன நிலையில், இம்முறை பல வீரர்களையும் விடுவித்துள்ளது. சுப்மான் கில் (Shubman Gill) கேப்டனான நிலையில், அந்த அணி வரும் ஏலத்தில் எடுக்க அதிக வாய்ப்புள்ள 5 வீரர்களை இதில் காணலாம். 

1. டேரில் மிட்செல்: உலகக் கோப்பையில் சிறப்பாக விளையாடிய இவர் குஜராத் அணிக்கு தேவை எனலாம். வில்லியம்சன் இல்லாவிட்டால் இவரை மிடில் ஆர்டரில் இறக்கலாம். 

2. ஷர்துல் தாக்கூர்: ஹர்திக் பாண்டியா இல்லை, ஆறாவது பந்துவீச்சாளர் ஆப்ஷனுக்கு இவரை பயன்படுத்தலாம். 

3. அஸ்மதுல்லா ஓமர்ஸாய்: ரஷித் கான், நூர் அகமது என ஆப்கன் வீரர்களை வைத்திருக்கும் குஜராத் வெளிநாட்டு ஆல்-ரவுண்டர் ஆப்ஷனுக்கு இவரை வாங்கலாம். 

4. நாராயண் ஜெகதீசன்: இந்திய மிடில் ஆர்டர் பேட்டர்கள் குஜராத் அணிக்கு தேவை. எனவே இவரையும் எடுக்க குஜராத் ஆர்வம் காட்டும். 

5. கம்மின்ஸ்: வெளிநாட்டு ஆல்ரவுண்டர் ஆப்ஷனில் குஜராத் அணிக்கு கம்மின்ஸை கிளிக் செய்ய அதிக வாய்ப்புள்ளது. குஜராத் அணிக்கு ரூ.38.15 கோடி உள்ளதால் முன்னணி வீரர்களை வாங்க அதிக வாய்ப்புள்ளது.