இந்த 5 சைலண்ட் சிக்னல்கள்... அவர் உங்களை காதலிக்க அதிக வாய்ப்புள்ளது!

ஒருவர் மீது காதல் எப்படி வரும், எதற்காக வருகிறது என்பதை எளிதில் புரிந்துகொள்ள முடியாது. ஆண்/பெண் ஈர்ப்பு ஒரு காரணம் என்றாலும், அந்த நபரின் நடத்தை, விருப்பம் உள்ளிட்ட விஷயங்கள் உங்களுக்கு பிடித்துப்போகும் போதுதான் அவரை நோக்கி காதலில் விழுவீர்கள். 

நீங்கள் காதலில் விழுந்தாலும் அவர்களுக்கு உங்களை நோக்கி என்ன பார்வை இருக்கிறது என தெரிந்துகொள்வதும் அவசியமாகிறது. அந்த வகையில், உங்களுக்கு பிடித்தவரிடம் இந்த ஐந்து அறிகுறிகளை நீங்கள் பார்த்தீர்கள் ஆனால், அவருக்கும் உங்கள் மீது காதல் இருக்க அதிக வாய்ப்பு இருக்கிறது. அந்த ஐந்து அறிகுறிகளை இங்கு காணலாம். 

நிறைய முயற்சி எடுப்பார்கள்: நீங்கள் தவறாமல் சாப்பிடுகிறீர்களா, உடல்நலம் எப்படி இருக்கிறது என பல விஷயங்களில் உங்களை நன்றாக கவனித்துக்கொள்வார்கள். சின்ன சின்ன விஷயங்களில் உங்களை பார்த்துக்கொள்வது நீங்கள் அவருக்கு விருப்பமானவர் என்பதை குறிக்கும் முக்கிய ஒன்றாகும். 

மரியாதையுடன் நடத்துவார்கள்: உங்களை நகைப்புக்கு உள்ளாக்கினாலும், உங்களை அடிக்கடி கலாய்த்தாலும் உங்களின் சொல்லுக்கும், கருத்துக்கும் ஒருவர் மரியாதை அளித்து பேசுகிறார் என்றார் நிச்சயம் அவருக்கு உங்கள் மேல் விருப்பம் இருக்கிறது என அர்த்தம். 

நேரம் செலவழிக்க விரும்புவார்கள்: உங்களுடன் ஒருவர் அதிகம் நேரம் செலவழிக்க விரும்பினாலும், உங்களுடன் இருக்கும்போது சந்தோஷமாக இருப்பதாக தெரிவித்தாலும் அவர் உங்களால் ஈர்க்கப்பட்டுவிட்டார் என்பது உறுதியாகும். 

சிறு சிறு விஷயங்களை அறிந்துவைத்திருப்பார்கள்: உங்களின் பிறந்த தேதி, ராசி, உங்களுக்கு பிடித்த உணவு, பிடிக்காத படங்கள், நடிகர்கள் ஆகியவற்றை அவர் நினைவில்வைத்துக்கொண்டு நீங்கள் எதிர்பார்க்காத நேரத்தில் அவர் அதன வெளிபடுத்தினார் என்றால் நிச்சயம் அவர் உங்கள் மீது ஆர்வத்துடன் உள்ளார் என அர்த்தமாகும். 

பிரிவால் வாடுவார்: உங்களை பார்க்காவிட்டாலோ, அடிக்கடி இருவரும் சந்திக்கும் இடங்களில் நீங்கள் இல்லாவிட்டாலோ அவருக்கு அன்றைய நாள் மோசமாக இருந்தது என கூறினால் நிச்சயம் அவர் உங்களின் பிரிவால் வாடுகிறார் என அர்த்தம். இந்த 5 அறிகுறிகளுடன் உங்களுக்கே உரிய ஸ்பெஷல் கனெக்சனையும் நீங்கள் பார்த்துவிட்டால் நிச்சயம் அவரிடம் உங்களின் காதலை தயங்காமல் வெளிப்படுத்தலாம். 

பொறுப்பு துறப்பு: இவை அனைத்தும் பொதுவான கருத்தை அடிப்படையாக வைத்து எழுதப்பட்டவை. இதனை Zee News உறுதிப்படுத்தவில்லை.