தினமும் இந்த 5 விஷயங்களை கடைபிடியுங்க - புத்தி கூர்மையாகும்... இளமையாவே இருப்பீங்க!

நம் வாழ்வில் எப்போதும் இளமையாக இருக்க வேண்டும் என்றுதான் ஆசைப்படுவோம், ஆனால் ஒவ்வொரு நாளும் நமக்கு வயதாகிக்கொண்டேதான் இருக்கும். ஆனால், உங்களின் வாழ்வில் சில விஷயங்களை கடைபிடித்தால் எத்தனை வயதானாலும் அதே இளமை துடிப்புடனும், பொலிவுடனும் இருப்பீர்கள். 

இந்த பழக்கவழக்கங்கள் அனைத்தும் அடிப்படையானதுதான், புதிதாக ஏதுமில்லை. இருப்பினும், இந்த ஐந்து விஷயங்களை மனதில் கொள்வதன் மூலம் நீங்கள் எப்போதும் புத்திக்கூர்மையுடனும், இளமையாகவும் இருப்பீர்கள். 

1. மூளை சுறுசுறுப்பாக இயங்க அனைத்து ஊட்டச்சத்துகளும் சமமாய் கிடைக்கும் உணவுகளை சாப்பிட வேண்டும். ஒமேகா 3 ஃபேட்டி ஆசிட்ஸ், வைட்டமிண் பி, வைட்டமிண் இ, ஆண்டிஆக்ஸிடன்ட்ஸ் ஆகியவை மூளையை சுறுசுறுப்பாக வைத்திருக்கும். பச்சை காய்கறிகள், பழங்கள், நட்ஸ், மீன் ஆகியவற்றில் இவை அதிகம் இருக்கும். எனவே, மூளை சுறுசுறுப்பாக இருக்க இதனை அடிக்கடி சமமான அளவில் உட்கொள்வது நல்லது. 

2. எப்போதும் கவலையாக இருக்காதீர்கள். மன அழுத்தத்துடன் இருந்தால் மூளை செல்களில் ஞாபக சக்தி குறையும். இதற்காக யோகா, தியானம், மூச்சுப்பயிற்சி, உங்களுக்கு பிடித்த விளையாட்டு அல்லது செயல்பாடுகள் எதையாவது செய்து உங்களின் அழுத்தத்தை குறைத்துக் கொள்ளுங்கள். 

3. தினமும் புதிர்கள், புது புது விஷயங்களை கற்பது ஆகியவற்றில் கவனம் செலுத்துங்கள். தினமும் மூளைக்கு வேலைக்கொடுப்பதன் மூலம் நீண்ட நாள் அறிவாற்றலுடன் இருக்கலாம். 

4. உடற்பயிற்சி மேற்கொள்வது உடலுக்கு மட்டுமின்றி மூளைக்கும் நல்லது. தினமும் உடற்பயிற்சி செய்வது ரத்த ஓட்டத்தை சீராக்கும். இதனால் மூளை செல்கள் ஆரோக்கியாக இருக்கும். எனவே, தினமும் அரைமணி நேரமாவது உடற்பயிற்சி செய்யுங்கள். 

5. அதேபோல் தினமும் சரியான நேரத்திற்கு சரியான அளவிற்கு தூங்குங்கள். இரவு 10 மணிக்கு தூங்கி, காலை 6 மணிக்கு முன் எழுந்திருக்கும் வகையில் பழகுங்கள். 7-8 மணிநேரம் உறக்கம் உங்களின் மூளையை சிறப்பாக செயல்பட வைக்கும். புத்திக்கூர்மையுடன் இருக்கும் போது இளமையின் துடிப்பும் எப்போதும் இருக்கும். 

பொறுப்பு துறப்பு: இவை அனைத்தும் பொதுவான கருத்துக்களை அடிப்படையாக வைத்து எழுதப்பட்டதாகும். இதனை பின்பற்றும் முன் மருத்துவ ஆலோசனை பெறுவது நல்லது. இதற்கு Zee News பொறுப்பல்ல.