நீங்கள் தினசரி பல் துலக்குவீர்களா? கழுத்து புற்றுநோய் ஏற்படலாம்! ஜாக்கிரதை!

தலை மற்றும் கழுத்து பகுதியில் ஏற்படும் புற்றுநோய் வாய், சைனஸ், கழுத்து, தொண்டை ஆகிய இடங்களில் ஏற்படுகிறது. இந்த புற்றுநோய் ஏற்பட்டால் முதலில் தொண்டை புண், குரல் மாற்றம் மற்றும் சாப்பிடும் பொருட்களை விழுங்குவதில் சிரமம் ஏற்படும். 

இந்த புற்றுநோயின் தீவிரத்தை பொறுத்து அறுவை சிகிச்சை, கீமோதெரபி, கதிர்வீச்சு மூலம் சரிசெய்யப்படுகிறது. மேலும் வெற்றிலையை அதிகமாக சாப்பிட்டாலும் தலை மற்றும் கழுத்து பகுதியில் புற்றுநோய் ஏற்பட அதிக வாய்ப்புள்ளது. 

சமீப காலமாக, இந்தியாவில் தலை மற்றும் கழுத்து புற்றுநோயாளிகளின் எண்ணிக்கை அதிகரித்து வருவதாக ஆய்வுகள் தெரிவிக்கின்றன. இந்தியாவில் உள்ள 9 இந்தியர்களில் ஒருவருக்கு புற்றுநோய் ஏற்படும் அபாயம் உள்ளது. 

புற்றுநோய்களில் 80% புகையிலை, வெற்றிலை, ஆல்கஹால் போன்வற்றால் ஏற்படுகிறது. உடலில் புற்றுநோய் ஏற்பட்டால் அவை வெளியில் தெரிவதற்கு 10 வருடங்கள் வரை கூட ஆகும்.

இந்தியர்களில் பலரும் வாய் சுகாதாரத்தை சரியாக செய்வதில்லை. சாப்பிடும் முன்பு, இரவு தூங்கும் முன்பு பல் துலக்குவது இல்லை. இதனாலும் கூட புற்றுநோய் ஏற்படலாம் என்று கூறப்படுகிறது. 

வாயில் அடிக்கடி புண்கள், ஈறுகளில் இருந்து இரத்தப்போக்கு, விழுங்குவதில் சிரமம் இருந்தால் உடனடியாக மருத்துவரை சந்திப்பது நல்லது.