PM கிசான் திட்டத்தில் புதிய அப்டேட்; விவசாயிகள் இதை பார்க்க முடியாது

PM Kisan Latest Update: பிரதமர் கிசான் யோஜனா திட்டத்தின் கீழ் விவசாயிகளின் கணக்கில் 11வது தவணை 2000 ரூபாய் செலுத்தப்பட்டுள்ளது. விரைவில் 12வது தவணை செலுத்தப்படும். இதற்கிடையில், பிரதமர் கிசான் சம்மன் நிதி யோஜனா 2022-ல் மத்திய அரசு ஒரு பெரிய மாற்றத்தை செய்துள்ளது. இந்த புதிய அப்டேட் 12 கோடிக்கும் அதிகமான பதிவு செய்யப்பட்ட விவசாயிகளை பாதிக்கும். என்ன அப்டேட் என்பதை தெரிந்து கொள்ளுங்கள். 

PM கிசானில் புதிய அப்டேட்

பிரதமர் கிசான் யோஜனா திட்டத்தில் மத்திய அரசு பெரிய மாற்றத்தை செய்துள்ளது. இப்போது ஒரு விவசாயி போர்ட்டலுக்குச் சென்று ஆதார் எண்ணிலிருந்து தனது நிலையைச் சரிபார்க்க முடியாது. தற்போது விவசாயிகள் பதிவு செய்யப்பட்ட மொபைல் எண்ணை உள்ளிடுவது கட்டாயமாக்கப்பட்டுள்ளது. முன்னதாக, விவசாயிகள் தங்கள் ஆதார் அல்லது மொபைல் எண்ணை உள்ளிட்டு தங்கள் நிலையை சரிபார்க்கலாம் என்ற விதி இருந்தது குறிப்பிடத்தக்கது. இப்போது புதிய விதியின் கீழ், விவசாயிகள் ஆதார் எண்ணிலிருந்து நிலையைப் பார்க்க முடியாது, ஆனால் மொபைல் எண்ணிலிருந்தே பார்க்க முடியும்.

மேலும் படிக்க | 7th Pay Commission பம்பர் செய்தி: 4% உயர்ந்தது அகவிலைப்படி, மகிழ்ச்சியில் மத்திய அரசு ஊழியர்கள் 

PM கிசான் செயல்முறை

* நீங்கள் முதலில் pmkisan.gov.in-க்குச் செல்லவும்
* இங்கே இடதுபுறத்தில் உள்ள சிறிய பெட்டியில் பயனாளியின் நிலை என்பதைக் கிளிக் செய்யவும்.
* இப்போது உங்கள் முன் ஒரு பக்கம் திறக்கும்.
* இங்கே உங்கள் பதிவு எண்ணை உள்ளிட்டு உங்கள் நிலையை சரிபார்க்கவும்.
* உங்கள் பதிவு எண் தெரியவில்லை என்றால், உங்கள் பதிவு எண்ணை தெரிந்து கொள்ளுங்கள் என்ற இணைப்பை கிளிக் செய்யவும்.
* இப்போது உங்கள் PM Kisan கணக்கில் பதிவுசெய்யப்பட்ட மொபைல் எண்ணை இதில் உள்ளிடவும்
* இதற்குப் பிறகு, கேப்ட்சா குறியீட்டை நிரப்பி, மொபைல் ஓடிபியைப் பெறு என்பதைக் கிளிக் செய்யவும்.
* கொடுக்கப்பட்ட பெட்டியில் உங்கள் எண்ணில் பெறப்பட்ட OTP ஐ உள்ளிட்டு விவரங்களைப் பெறு என்பதைக் கிளிக் செய்யவும்.
* இப்போது உங்கள் பதிவு எண் மற்றும் பெயர் உங்கள் முன் இருக்கும்.

பிரதமர் கிசான் யோஜனா என்றால் என்ன?

பிரதம மந்திரி கிசான் சம்மன் நிதி யோஜ்னா திட்டத்தின் கீழ், ஒவ்வொரு ஆண்டும் ரூ 6,000 நேரடியாக விவசாயிகளின் கணக்கிற்கு அனுப்பப்படுகிறது. இது தலா ரூ 2,000 வீதம் மூன்று சம தவணைகளில் வழங்கப்படுகிறது. இதன் கீழ் விவசாயிகளின் கணக்கில் 11 தவணைகள் அனுப்பப்பட்டுள்ளன. உங்கள் கணக்கிற்கு இதுவரை பணம் மாற்றப்படவில்லை என்றால், முதலில் உங்கள் நிலை மற்றும் வங்கிக் கணக்கைச் சரிபார்க்கவும்.

மேலும் படிக்க | வீட்டில் இருந்தபடியே ஆதார் அட்டையில் விவரங்களை மாற்றலாம் 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ