எல்ஐசியின் ஆனந்தா மொபைல் மின்னணு செயலி அறிமுகம்

சென்னை : "எல்.ஐ.சி (LIC) நிறுவனங்களில் முகவர்களாக செயல்படுபவர்கள் வாடிக்கையாளர்களின் பாலிசி விவரங்களை எளிதில் பதிவு செய்வதற்கு ஏதுவாக "மின்னணு முறையில்" "ஆனந்தா என்ற மொபைல் (Ananda mobile application) செயலி அறிமுகப்படுத்தப்பட்டுள்ளது.

இந்த மின்னணு மொபைல் செயலி குறித்து எல்.ஐ.சி (Life Insurance Corporation) நிறுவனம் வெளியிட்டுள்ள செய்திக்குறிப்பில் கூறியதாவது., "ஆத்மா நிர்பார் திட்டத்தின் ஒரு பகுதியாக எல்ஐசி முகவர்கள் வாடிக்கையாளர்களை (Customers) பல்வேறு பாலிசிகளில் (Policy) சேர்க்கும்போது காகிதம் இல்லாமல் "மின்னணு முறையிலேயே அவர்களின் விவரங்களைப் பெற்று சமர்ப்பிக்கும் வகையில் ஆனந்தா செயலி அறிமுகப்படுத்தப்பட்டுள்ளது.

ALSO READ | LIC Policy: மாதம் வெறும் ரூ.233 செலுத்தி ரூ.17 லட்சத்துக்கு மேல் பெறலாம், வரி விலக்கும் கிடைக்கும்

"புதிய செயலி மூலம் வாடிக்கையாளர்களின் விவரங்களை ஆதார் எண் (Aadhar number) அடிப்படையில் உறுதி செய்யவும் காகிதத்தில் "விண்ணப்ப படிவம் இல்லாமல் மின்னணு முறையிலேயே விண்ணப்பங்களை பெறவும் முகவர்களால் முடியும். இதன் மூலம் அவர்களின் பணி விரைவில் முடிவதோடு அதிக வாடிக்கையாளர்களை பெறவும் முடியும்.

புதிய செயலியை எல்ஐசி இந்தியா தலைவர் எம்.ஆர்.குமார் காணொளி காட்சி மூலம் தொடங்கி வைத்தார். அவர் கூறும்போது "ஆனந்தா இணையதளத்தின் பயன்பாடு அதிகமாக இருந்ததால் இந்த புதிய செயலி உருவாக்கப்பட்டுள்ளது. இதை அணைத்து முகவர்களும் புரிந்துகொண்டு பயன்படுத்த வேண்டும். "இதை உருவாக்கிய தகவல் தொழில்நுட்ப குழுவினருக்கு (Technology team) பாராட்டுகளை தெரிவித்துக் கொள்கிறேன் என்றார்.

இந்நிகழ்ச்சியில் நிர்வாக இயக்குனர்கள் முகேஷ்குமார் குப்தா, ராஜ்குமார், சித்தார்த்த மொஹந்தி, மினி ஐப் மற்றும் மூத்த அதிகாரிகள் கலந்து கொண்டனர். தொடக்க விழாவில் முகவர்களுக்கு வீடியோ மூலம் ஆனந்தா செயலியை பயன்படுத்தும் முறை அதில் உள்ள தனிச் சிறப்புகள் குறித்து விளக்கி கூறப்பட்டது.

ALSO READ | இந்த திட்டத்தில் முதலீடு செய்யுங்கள், ஒவ்வொரு மாதமும் ரூ.10000 ஓய்வூதியம் கிடைக்கும்

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக ஊடகங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் வாசிக்க, இப்போதே ஜீ இந்துஸ்தான் பயன்பாட்டைப் பதிவிறக்குங்கள்.

Android Link - https://bit.ly/3hDyh4G

Apple Link - https://apple.co/3loQYeR