பொது மக்களுக்கு நல்ல செய்தி: குறைகிறது சமையல் எண்ணெய் விலை, அரசு எடுத்த பெரிய முடிவு என்ன?

Edible Oil Prices: சாதாரண மக்கள் விலை உயர்ந்த சமையல் எண்ணெயிலிருந்து நிவாரணம் பெறப் போகிறார்கள். சோயா எண்ணெய் மற்றும் சூரியகாந்தி எண்ணெய் மீதான இறக்குமதி வரியை 15% லிருந்து 7.5% ஆக அரசாங்கம் குறைத்துள்ளது. 

முன்னதாக, கச்சா பாமாயில் மீதான இறக்குமதி வரியையும் அரசு குறைத்தது. இப்போது, அனைத்து வரிகளையும் சேர்த்து, விளைவு வரி விலக்கு 8.25% ஆக குறைக்கப்பட்டுள்ளது. மொத்த வரி 38.50 சதவீதத்தில் இருந்து 30.25 சதவீதமாக குறைந்துள்ளது. அக்ரி செஸ் மற்றும் சமூக நல செஸ் ஆகியவை மொத்த வரியில் சேர்க்கப்பட்டுள்ளன.

சாமானியர்களுக்கு நேரடி பலன் கிடைக்கும்

இறக்குமதி வரி குறைக்கப்பட்டதால், சாதாரண மக்களின் சமையலறை பட்ஜெட்டில் நேரடி நன்மை இருக்கும், இருப்பினும் இந்த இறக்குமதி வரி குறைப்பு செப்டம்பர் 30 வரை மட்டுமே ஆகும். தற்போது, ​​அரசாங்கம் (Central Government https://zeenews.india.com/tamil/lifestyle/salary-shock-for-employees-take-home-salary-to-go-down-retirement-benefits-to-increase-after-new-wage-code-367734) ஆண்டுதோறும் 1.5 கோடி டன் சமையல் எண்ணெயை இறக்குமதி செய்கிறது, இதன் விலை சுமார் 70,000 கோடி. நாட்டின் ஆண்டு நுகர்வு 2.5 கோடி டன் சமையல் எண்ணெய். 

ALSO READ: ALERT! போக்குவரத்து விதிகளில் மாற்றம்: மின்னணு முறையில் கண்காணிப்பு

பாமாயில், மலேசியா மற்றும் இந்தோனேஷியாவில் இருந்து இந்தியாவிற்கு இறக்குமதி செய்யப்படுகிறது. மலேசியா மற்றும் இந்தோனேசியாவில் இருந்து கடந்த ஆண்டு இந்தியா 72 லட்சம் டன் பாமாயிலை இறக்குமதி செய்தது. மொத்த இறக்குமதியில் பாமாயிலின் பங்கு சுமார் 55 சதவீதம். பிரேசில் மற்றும் அர்ஜென்டினாவிலிருந்து 34 லட்சம் டன் சோயா எண்ணெய் இறக்குமதி செய்யப்பட்டது. ரஷ்யா மற்றும் உக்ரைனில் இருந்து 25 லட்சம் டன் சூரியகாந்தி எண்ணெய் இறக்குமதி செய்யப்பட்டது.

அமைச்சரவையில் பெரிய அறிவிப்பு வெளியிடப்பட்டது

முன்னதாக, புதன்கிழமை நடைபெற்ற அமைச்சரவைக் கூட்டத்தில் பாம் ஆயில் மிஷன் திட்டத்திற்கு மோடி அரசு ஒப்புதல் அளித்தது. சமையல் எண்ணெய்களின் கிடைக்கும் தன்மையை அதிகரிக்க, அரசாங்கம் 11,040 கோடி ரூபாய் பாம் ஆயில் பணித்திட்டத்தை அறிவித்தது (National Edible Oil Mission-Oil Palm- NMEO-OP). 

சமையல் எண்ணெய்கள் (Edible Oil https://zeenews.india.com/tamil/india/fssai-considering-to-make-fortification-of-edible-oil-with-vitamin-a-d-mandatory-344434) விஷயத்தில் இந்தியா தன்னிறைவு பெற அரசு இந்த நடவடிக்கையை எடுத்துள்ளது. அரசாங்கத்தின் இந்த நோக்கம் பாமாயில் இறக்குமதியைச் சார்ந்திருப்பதைக் குறைக்கும். விவசாயிகளின் வருமானத்தை அதிகரிக்கவும் வழி வகுக்கும். அதே நேரத்தில், எண்ணெய் தொழிற்துறையும் பயனடையும்.

விவசாயிகளுக்கு ஒரு பெரிய முடிவு

சந்தையில் ஏற்ற இறக்கம் ஏற்பட்டு விவசாயியின் (Farmers https://zeenews.india.com/tamil/india/know-how-to-check-your-instalment-status-in-pm-kisan-samman-nidhi-yojana-368063) பயிர் விலை குறைந்தால், மத்திய அரசு விவசாயிகளுக்கு டிபிடி மூலம் அந்த நஷ்ட தொகையை செலுத்தும் என்றும் அமைச்சரவை கூட்டத்தில் முடிவு செய்யப்பட்டது. விவசாயப் பொருட்களில் முன்பு கொடுக்கப்பட்ட தொகையும் அதிகரிக்கப்பட்டுள்ளது. வடகிழக்கு பிராந்தியத்தில் மக்கள் தொழிற்சாலைகளை அமைக்க உதவும் வகையில், தொழிலுக்கு ரூ .5 கோடி உதவி வழங்க முடிவு செய்யப்பட்டது.

ALSO READ: ஒருநாள் கைதியாக இருக்க ரூ.500!

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G
Apple Link - https://apple.co/3loQYeR