குடியுரிமைச் சட்டத்தை செயல்படுத்த மாநிலங்கள் மறுக்க முடியாது: உள்துறை அமைச்சகம்

புதுடெல்லி: குடியுரிமை திருத்தச் சட்டம் குறித்து சர்ச்சை முடிந்ததாக தெரியவில்லை. நாடாளுமன்ற இரு அவைகளிலும் நிறைவேற்றப்பட குடியுரிமை திருத்த மசோதாவை தங்கள் மாநிலங்களில் செயல்படுத்த மாட்டோம் என மேற்கு வங்கம், பஞ்சாப், கேரளா அறிவித்துள்ளது. மறுபுறம், குடியுரிமைச் சட்டத்தை அமல்படுத்த மாநில அரசு மறுக்க முடியாது என்று உள்துறை அமைச்சகம் கூறியுள்ளது. அதாவது உள்துறை அமைச்சகங்களின் வட்டாரங்கள் அளித்த தகவலின் படி, மத்திய சட்டத்தை செயல்படுத்த மாநிலங்கள் மறுக்க முடியாது என்று அமைச்சகம் கூறுயுள்ளதாக தெரிகிறது. 

குடியுரிமை (திருத்த) மசோதாவை மேற்கு வங்கத்தில் சட்டமாக மாற்றினாலும் அதை செயல்படுத்த அனுமதிக்க மாட்டேன் என்று வங்காள முதல்வர் மம்தா பானர்ஜி அறிவித்தார். சில நாட்களுக்குப் பிறகு, கேரளா மற்றும் பஞ்சாப் மாநில அரசு, "நாட்டின் மதச்சார்பற்ற நற்சான்றிதழ்களை அகற்றுவதற்கான மையத்தின் முயற்சிகளை மேற்கொள்ளும் பாஜகவுடன் எந்த தொடர்பும் இல்லை" என்று தெரிவித்துள்ளது.

இந்த மசோதாவை இந்தியாவின் மதச்சார்பற்ற மற்றும் ஜனநாயக தன்மை மீதான தாக்குதல் என்று கூறிய கேரள முதலமைச்சர் பினராயி விஜயன், இதுபோன்ற "அரசியலமைப்பற்ற" சட்டத்திற்கு தனது மாநிலத்திற்கு இடமில்லை என்று தெரிவித்துள்ளார். குடியுரிமை தீர்மானிக்கும் நடவடிக்கை மதத்தின் அடிப்படை அரசியலமைப்பை நிராகரிப்பதாகும் என்றும் அவர் குறிப்பிட்டுள்ளார்.

இந்த சட்டம் மிகவும் பிளவுபடுத்தும் தன்மை கொண்டது. நாட்டின் மக்களை மத அடிப்படையில் பிரிக்க முயற்சிக்கும் எந்தவொரு சட்டமும் சட்டவிரோதமானது மற்றும் நெறிமுறையற்றது. "அரசியலமைப்பற்ற" மசோதா மாநிலத்தில் செயல்படுத்தப் படுவதை பஞ்சாப் மாநில அரசு தடுக்கும் என அம்மாநில முதலமைச்சர் அமரீந்தர் சிங் தெரிவித்துள்ளார்.

குடியுரிமை (திருத்த) மசோதாவை பாராளுமன்றத்தில் நிறைவேற்றுவதற்கு முன்பே, மம்தா பானர்ஜி தனது எதிர்ப்பைக் தெரிவித்திருந்தார். "இந்த மசோதாவுக்கு பயப்பட வேண்டாம். நாங்கள் உங்களுடன் இருக்கிறோம். நாங்கள் இங்கு இருக்கும் வரை யாரும் உங்கள் மீது எதையும் திணிக்க முடியாது" என்று அவர் கூறியிருந்தார்.

குடியுரிமை திருத்தச் சட்டத்தை திரும்பப் பெற வேண்டும் என்ற கோரிக்கை வலியுறுத்தி வடகிழக்கில் வன்முறை தொடர்கிறது. AASU தலைமையிலான அசாமில் ஆர்ப்பாட்டங்களும் உண்ணாவிரதங்களும் தொடர்கின்றன. நாசவேலை செய்பவர்கள் மீது நடவடிக்கை எடுக்கப்படும் என்று அம்மாநில முதல்வர் சர்பானந்தா சோனோவால் தெரிவித்தார். அசாம் ஆளுநர் அமைதியை நிலைநாட்டுமாறு மக்களிடம் வேண்டுகோள் விடுத்துள்ளார். குடியுரிமை திருத்தச் சட்டம் அசாம் ஒப்பந்தத்தை மீறுவதாக எதிர்ப்பாளர்கள் வாதிடுகின்றனர். "அசாம் உடன்படிக்கையின்" பிரிவு 6 ஐ மீறியதாக குற்றச்சாட்டப்பட்டு உள்ளது. பிரிவு 6 கலாச்சாரம், மொழியியல் அடையாளத்தை பாதுகாப்பதாக உறுதியளிக்கிறது குறிப்பிடத்தக்கது.

அசாமில் வன்முறை காரணமாக 10 மாவட்டங்களில் ஊரடங்கு உத்தரவு பிறப்பிக்கப்பட்டுள்ளது. குவாஹாட்டி மற்றும் திப்ருகரில் ஊரடங்கு உத்தரவில் நிவாரணம் உள்ளது. ஊரடங்கு உத்தரவு தளர்வுக்குப் பிறகு, மக்கள் தேவையான பொருட்களை வாங்கினர். அசாமில் இதுவரை 4 பேர் இறந்துள்ளனர். பள்ளி கல்லூரிகள் டிசம்பர் 22 வரை மூடப்பட்டுள்ளன. அசாமின் 10 மாவட்டங்களில் இணைய சேவை தடை செய்யப்பட்டுள்ளது. மேகாலயாவிலும் இணைய சேவை தடை செய்யப்பட்டுள்ளது. ஷில்லாங்கின் சில பகுதிகளிலும் ஊரடங்கு உத்தரவு விதிக்கப்பட்டுள்ளது.

உங்களுக்கு சுவாரஸ்யமான சிறப்பு செய்தி, முக்கிய செய்திகள், அரசியல் குறித்து விவரங்களை தெரிந்துக்கொள்ள நமது ZEE HINDUSTAN TV ஐ பாருங்கள். தற்போது ஹிந்தி, தமிழ் மற்றும் தெலுங்கு மொழிகளில் ஒளிப்பரப்பாகிறது.