Class 12 Exams: முக்கிய அறிவிப்பை வெளியிட்டது உச்ச நீதிமன்றம்

புதுடெல்லி: 12 ஆம் வகுப்பு பொதுத் தேர்வுகள் குறித்த ஒரு குறிப்பிடத்தக்க செய்தியை இன்று உச்ச நீதிமன்றம் கூறியுள்ளது. இந்தியா முழுவதும் உள்ள அனைத்து மாநில வாரியங்களுக்கும் மதிப்பீடு செய்வதற்கான ஒரே மாதிரியான திட்டம் இருக்க முடியாது என்று உச்ச நீதிமன்றம் வியாழக்கிழமை தெரிவித்துள்ளது. நீதிபதிகள் ஏ.எம்.கான்வில்கர் மற்றும் தினேஷ் மகேஸ்வரி ஆகியோர் அடங்கிய பெஞ்ச் ஒவ்வொரு வாரியமும் தனிப்பட்ட இயக்க முறைகளைக் கொண்டிருப்பதைக் கவனித்து, ஒரே மாதிரியான செயல்முறை நடைமுறைக்கு ஒத்துவராது என கூறியது. 

ஆந்திரா மற்றும் கேரள வாரியங்களின் பன்னிரெண்டாம் வகுப்பு தேர்வுகளை ரத்து செய்யக் கோரும் மனுக்களுக்கு பதிலளிக்கும் போது உயர் நீதிமன்றம் இதனைக் கூறியது. விசாரணையின் போது, ​​பன்னிரெண்டாம் வகுப்பு தேர்வுகள் ஜூலை மாதம் கடைசி வாரம் நடத்தப்படலாம் என ஆந்திரா எடுத்த முடிவு குறித்து உச்சநீதிமன்றம் கேள்வி எழுப்பியதுடன், மாநிலம் ஒரு உறுதியான திட்டத்தைக் கொண்டிருக்க வேண்டும் என்றும் கூறியது. 

12 ஆம் வகுப்பு தேர்வை ரத்து செய்யக் கோரும் மனுவை விசாரித்த உச்ச நீதிமன்றமும் அத்தகைய உத்தரவை நிறைவேற்ற மறுத்து, மாநில கல்வி வாரியங்கள் மதிப்பீட்டிற்கான திட்டத்தை 10 நாட்களுக்குள் அறிவிக்க வேண்டும் என்றும் ஜூலை 31 க்குள் உள் மதிப்பீட்டு முடிவுகளை அறிவிக்க வேண்டும் என்றும் கூறியது. 

உள் மதிப்பீடு (Internal Assessment) 10 நாட்களுக்குள் மதிப்பிடப்பட வேண்டும் என்று உயர் நீதிமன்றம் தனது உத்தரவில் தெரிவித்துள்ளது. மாநிலத்தில் வாரியத் தேர்வுகளை நடத்த ஆந்திரா மற்றும் கேரள அரசுகள் எடுத்த முடிவை எதிர்த்து மனுவை விசாரித்தபோது உச்ச நீதிமன்றம் இந்த அவதானிப்புகளை மேற்கொண்டது.

ALSO READ: CBSE 12 ஆம் வகுப்பு தேர்வு முடிவுகள் எப்போது; உச்சநீதிமன்றத்தில் விளக்கம்

சிபிஎஸ்இ (CBSE) மற்றும் ஐசிஎஸ்இ வாரியங்கள் சமீபத்தில் பொதுத் தேர்வுகளை ரத்து செய்வதாக எடுத்த முடிவைத் தொடர்ந்து, நாட்டின் பல மாநில கல்வி வாரியங்கள் 12 ஆம் வகுப்பு பொதுத் தேர்வுகளை ரத்து செய்தன. ஆனால், ஆந்திர மற்றும் கேரள கல்வி வாரியங்கள் பொதுத் தேர்வுகளை ரத்து செய்யவில்லை என்பது குறிப்பிடத்தக்கது.

இது தொடர்பான மற்றொரு வளர்ச்சியில், சிபிஎஸ்இ மற்றும் ஐசிஎஸ்இ 12 ஆம் வகுப்பு பொதுத் தேர்வுகளை (Class 12 board exams) ரத்து செய்ய எடுத்த முடிவை எதிர்த்து வந்த மனுக்களை ஜூன் 22 அன்று உச்ச நீதிமன்றம் தள்ளுபடி செய்தது. மாணவர்களின் தேர்வு முறையை மதிப்பீடு செய்ய வாரியங்கள் கொண்டு வந்த மதிப்பீட்டு திட்டத்தையும் உச்ச நீதிமன்றம் உறுதி செய்தது.

நீதிபதிகள் ஏ.எம். கான்வில்கர் மற்றும் தினேஷ் மஹேஷ்வரி இதுகுறித்து வந்த மனுவை தள்ளுபடி செய்தனர். பலமுறை பல தரப்பினருடன் கலந்தாலோசிக்கப்பட்டு, சுமார் 20 லட்சம் மாணவர்களின் நலனைக் கருத்தில் கொண்டு இந்த முடிவு எடுக்கப்பட்டுள்ளது என உச்ச நீதிமன்றம் கூறியது.  "சிபிஎஸ்இ மற்றும் ஐசிஎஸ்இ முன்வைத்த திட்டத்தில் தலையிட வேண்டிய அவசியமில்லை என்று நாங்கள் கருதுகிறோம், இது அனைத்து மாணவர்களின் நலனையும் கருத்தில்கொண்டு எடுக்கப்பட்டுள்ளது" என்று உயர் நீதிமன்ற (Supreme Court) பெஞ்ச் கூறியது.

COVID-19 தொற்றுநோய் காரணமாக, பொதுத் தேர்வுகள் ரத்து செய்யப்பட்ட 12 ஆம் வகுப்பு மாணவர்களின் இறுதி மதிப்பெண்களை மதிப்பிடுவதற்காக மத்திய இடைநிலைக் கல்வி வாரியம் (CBSE) மற்றும் இந்திய பள்ளி சான்றிதழ் தேர்வு கவுன்சில் (CISCE) சமர்ப்பித்த திட்டங்களுக்கு உச்சநீதிமன்றம் ஜூன் 17 அன்று அனுமதி அளித்தது.

ALSO READ:BREAKING: 12-ஆம் வகுப்பு மதிப்பெண் கணக்கிடும் முறை குறித்து சிபிஎஸ்இ விளக்கம்

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR