கேழ்வரகில் கொட்டிக்கிடக்கு ஏராளமான நன்மைகள்: கேட்டு வாங்கி சாப்பிடுங்க

Ragi Benefits And Side Effects: ராகி, அதாவது கேழ்வரகு என்பது ஒரு தானியமாகும். இது மிகவும் பிரபலமான சிறுதானியமாக உள்ளது. பெரும்பாலான மக்கள் குளிர்காலத்தில் ராகி ரொட்டி சாப்பிடுவது வழக்கம். ஏனெனில் ராகி குளிர்ந்த காலநிலையில் உடலுக்கு நன்மை பயக்கும் இயற்கையான உஷ்ணத்தை கொண்டுள்ளது. ராகி ரொட்டி சாப்பிடுவது ஆரோக்கியத்திற்கு பல ஊட்டச்சத்துக்களை வழங்குகிறது. ராகி சாப்பிடுவதால் ஏற்படும் நன்மைகள் மற்றும் தீமைகள் பற்றி இந்த பதிவில் காணலாம். 

ராகி சாப்பிடுவதால் கிடைக்கும் நன்மைகள் (Health Benefits of Ragi) 

நீரிழிவு நோய் (Diabetes)

ராகியில் (Ragi) உள்ள பாலிபினால்கள் மற்றும் நார்ச்சத்து கோதுமை அல்லது அரிசி மாவை விட அதிகமாகும். அதன் கிளைசெமிக் குறியீடும் குறைவாக உள்ளது. எனவே, இது இரத்த சர்க்கரை அளவைக் (Sugar Level) குறைப்பதில் பயனுள்ளதாக இருக்கும். காலை உணவு அல்லது மதிய உணவில் ராகியைச் சேர்ப்பது நன்மை பயக்கும்.

இரத்த சோகை (Anemia)

உடலில் போதுமான இரும்புச்சத்து கிடைக்காதபோது, ​​இரத்த சோகை பிரச்சனை ஏற்படுகிறது. அத்தகைய சூழ்நிலையில், ராகி சாப்பிடுவது ஒரு சிறந்த வழி. உடலில் ஹீமோகுளோபின் அளவு குறைந்தால் ராகியை சாப்பிட வேண்டும்.

தூக்கமின்மை மற்றும் மனச்சோர்வு (Sleeplessness)

ராகியில் ஏராளமான ஆன்டிஆக்ஸிடன்ட்கள் உள்ளன. இது மன அழுத்தத்தைக் குறைக்க உதவுகிறது. உங்களுக்கு கவலை, மனச்சோர்வு அல்லது தூக்கமின்மை பிரச்சனை இருந்தால் ராகியை உட்கொள்ள வேண்டும். 

எடை இழப்பு (Weight Loss)

ராகியில் உணவு நார்ச்சத்து அதிகமாக உள்ளது. இதை உட்கொள்வதால், நீண்ட நேரம் பசி எடுக்காமல் இருக்கும். இதனால் அடிக்கடி, தேவையற்ற ஆரோக்கியமற்ற உணவை உட்கொள்வது தவிர்க்கப்படுகின்றது. இதன் மூலம் உடல் எடையை கட்டுக்குள் வைத்திருக்கலாம்.

எலும்புகள் வலிமையாகும் (Bone Strength)

கால்சியத்துடன், ராகியில் அத்தியாவசிய ஊட்டச்சத்துக்களும் காணப்படுகின்றன. இவை நமது எலும்புகளை ஆரோக்கியமாக வைத்திருக்க உதவுகின்றன. கைக்குழந்தைகள், வளரும் குழந்தைகள் மற்றும் கர்ப்பிணிப் பெண்களுக்கு ராகி கால்சியத்தின் நல்ல ஆதாரமாகக் கருதப்படுகிறது.

மேலும் படிக்க | யூரிக் அமிலம் பிரச்சனையைக் கட்டுப்படுத்த பருக வேண்டிய 5 பானங்கள்

கொலஸ்ட்ரால் (Cholesterol Control)

ராகியில் ஃபைபர் பைடிக் அமிலம் இருப்பதால் கொலஸ்ட்ராலை இது கட்டுப்படுத்துகிறது. இது அதிகரிக்கும் கொலஸ்ட்ராலை குறைக்க உதவுகிறது. கொலஸ்ட்ராலை குறைக்க ராகி ஒரு ஆரோக்கியமான நல்ல வழியாக இருக்கும்.

ஹீமோகுளோபின்

ராகியில் மெத்தியோனைன், ஃபெரூலிக் அமிலம் மற்றும் லைசின் போன்ற அமினோ அமிலங்கள் காணப்படுகின்றன. ராகியில் மூப்பு எதிர்ப்பு பண்புகள் உள்ளன. இது சருமத்தை சுருக்கங்களிலிருந்து பாதுகாக்கிறது. இதனுடன், ஹீமோகுளோபின் அளவையும் அதிகரிக்கிறது.

ராகியின் பக்க விளைவுகள்

- சிறுநீரக கற்கள் அல்லது வேறு ஏதேனும் பிரச்சனைகள் இருந்தால், அத்தகையவர்கள் ராகியை சாப்பிடக்கூடாது. ஏனெனில் இதில் அதிக அளவு கால்சியம் உள்ளது.

- தைராய்டு நோயாளிகளும் ராகியை சாப்பிடவே கூடாது. இல்லையெனில் அவர்களுக்கும் பிரச்சனைகள் வரலாம்.

- ராகியை அதிக அளவில் சாப்பிடுவதால் மலச்சிக்கல், வயிற்றுப்போக்கு, வயிற்றில் வாயு, வாய்வு போன்ற பிரச்சனைகள் ஏற்படும்.

(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

மேலும் படிக்க | தொப்பை கொழுப்பு வெண்ணையா உருக, இந்த எண்ணெயில் சமையல் செய்தால் போதும்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ